Isaiah (ישעיה) - Isaia 146

¹ הללו יה הללי נפשי את יהוה² אהללה יהוה בחיי אזמרה לאלהי בעודי³ אל תבטחו בנדיבים בבן אדם שאין לו תשועה⁴ תצא רוחו ישב לאדמתו ביום ההוא אבדו עשתנתיו⁵ אשרי שאל יעקב בעזרו שברו על יהוה אלהיו⁶ עשה שמים וארץ את הים ואת כל אשר בם השמר אמת לעולם⁷ עשה משפט לעשוקים נתן לחם לרעבים יהוה מתיר אסורים⁸ יהוה פקח עורים יהוה זקף כפופים יהוה אהב צדיקים⁹ יהוה שמר את גרים יתום ואלמנה יעודד ודרך רשעים יעות¹⁰ ימלך יהוה לעולם אלהיך ציון לדר ודר הללו יה