ΜΑΚΚΑΒΑΙΩΝ Δ´ - 4 Maccabei - Maccabees IV 6

¹ τουτον τον τροπον αντιρρητορευσαντα ταις του τυραννου παρηγοριαις παρασταντες οι δορυφοροι πικρως εσυραν επι τα βασανιστηρια τον ελεαζαρον

² και πρωτον μεν περιεδυσαν τον γεραιον εγκοσμουμενον τη περι την ευσεβειαν ευσχημοσυνη

³ επειτα περιαγκωνισαντες εκατερωθεν μαστιξιν κατηκιζον

⁴ πεισθητι ταις του βασιλεως εντολαις ετερωθεν κηρυκος επιβοωντος

⁵ ο δε μεγαλοφρων και ευγενης ως αληθως ελεαζαρος ωσπερ εν ονειρω βασανιζομενος κατ' ουδενα τροπον μετετρεπετο

⁶ αλλα υψηλους ανατεινας εις ουρανον τους οφθαλμους απεξαινετο ταις μαστιξιν τας σαρκας ο γερων και κατερρειτο τω αιματι και τα πλευρα κατετιτρωσκετο

⁷ και πιπτων εις το εδαφος απο του μη φερειν το σωμα τας αλγηδονας ορθον ειχεν και ακλινη τον λογισμον

⁸ λαξ γε τοι των πικρων τις δορυφορων εις τους κενεωνας εναλλομενος ετυπτεν οπως εξανισταιτο πιπτων

⁹ ο δε υπεμενε τους πονους και περιεφρονει της αναγκης και διεκαρτερει τους αικισμους

¹⁰ και καθαπερ γενναιος αθλητης τυπτομενος ενικα τους βασανιζοντας ο γερων

¹¹ ιδρων γε τοι το προσωπον και επασθμαινων σφοδρως και υπ' αυτων των βασανιζοντων εθαυμαζετο επι τη ευψυχια

¹² οθεν τα μεν ελεωντες τα του γηρως αυτου

¹³ τα δε εν συμπαθεια της συνηθειας οντες τα δε εν θαυμασμω της καρτεριας προσιοντες αυτω τινες του βασιλεως ελεγον

¹⁴ τι τοις κακοις τουτοις σεαυτον αλογιστως απολλεις ελεαζαρ

¹⁵ ημεις μεν τοι των ηψημενων βρωματων παραθησομεν συ δε υποκρινομενος των υειων απογευεσθαι σωθητι

¹⁶ και ο ελεαζαρος ωσπερ πικροτερον δια της συμβουλιας αικισθεις ανεβοησεν

¹⁷ μη ουτως κακως φρονησαιμεν οι αβρααμ παιδες ωστε μαλακοψυχησαντας απρεπες ημιν δραμα υποκρινασθαι

¹⁸ και γαρ αλογιστον ει προς αληθειαν ζησαντες τον μεχρι γηρως βιον και την επ' αυτω δοξαν νομιμως φυλασσοντες νυν μεταβαλοιμεθα

¹⁹ και αυτοι μεν ημεις γενοιμεθα τοις νεοις ασεβειας τυπος ινα παραδειγμα γενωμεθα της μιαροφαγιας

²⁰ αισχρον δε ει επιβιωσομεν ολιγον χρονον και τουτον καταγελωμενοι προς απαντων επι δειλια

²¹ και υπο μεν του τυραννου καταφρονηθωμεν ως ανανδροι τον δε θειον ημων νομον μεχρι θανατου μη προασπισαιμεν

²² προς ταυτα υμεις μεν ω αβρααμ παιδες ευγενως υπερ της ευσεβειας τελευτατε

²³ οι δε του τυραννου δορυφοροι τι μελλετε

²⁴ προς τας αναγκας ουτως μεγαλοφρονουντα αυτον ιδοντες και μηδε προς τον οικτιρμον αυτων μεταβαλλομενον επι το πυρ αυτον ανηγον

²⁵ ενθα δια κακοτεχνων οργανων καταφλεγοντες αυτον υπερριπτοσαν και δυσωδεις χυλους εις τους μυκτηρας αυτου κατεχεον

²⁶ ο δε μεχρι των οστεων ηδη κατακεκαυμενος και μελλων λιποθυμειν ανετεινε τα ομματα προς τον θεον και ειπεν

²⁷ συ οισθα θεε παρον μοι σωζεσθαι βασανοις καυστικαις αποθνησκω δια τον νομον

²⁸ ιλεως γενου τω εθνει σου αρκεσθεις τη ημετερα υπερ αυτων δικη

²⁹ καθαρσιον αυτων ποιησον το εμον αιμα και αντιψυχον αυτων λαβε την εμην ψυχην

³⁰ και ταυτα ειπων ο ιερος ανηρ ευγενως ταις βασανοις εναπεθανεν και μεχρι των του θανατου βασανων αντεστη τω λογισμω δια τον νομον

³¹ ομολογουμενως ουν δεσποτης των παθων εστιν ο ευσεβης λογισμος

³² ει γαρ τα παθη του λογισμου κεκρατηκει τουτοις αν απεδομεν την της επικρατειας μαρτυριαν

³³ νυνι δε του λογισμου τα παθη νικησαντος αυτω προσηκοντως την της ηγεμονιας προσνεμομεν εξουσιαν

³⁴ και δικαιον εστιν ομολογειν ημας το κρατος ειναι του λογισμου οπου γε και των εξωθεν αλγηδονων επικρατει επει και γελοιον

³⁵ και ου μονον των αλγηδονων επιδεικνυμι κεκρατηκεναι τον λογισμον αλλα και των ηδονων κρατειν και μηδεν αυταις υπεικειν