ΜΑΚΚΑΒΑΙΩΝ Δ´ - 4 Maccabei - Maccabees IV 16

¹ ει δε τοινυν και γυνη και γεραια και επτα παιδων μητηρ υπεμεινεν τας μεχρι θανατου βασανους των τεκνων ορωσα ομολογουμενως αυτοκρατωρ εστιν των παθων ο ευσεβης λογισμος

² απεδειξα ουν οτι ου μονον ανδρες των παθων εκρατησαν αλλα και γυνη των μεγιστων βασανων υπερεφρονησεν

³ και ουχ ουτως οι περι δανιηλ λεοντες ησαν αγριοι ουδε η μισαηλ εκφλεγομενη καμινος λαβροτατω πυρι ως η της φιλοτεκνιας περιεκαιεν εκεινην φυσις ορωσαν αυτης ουτως ποικιλως βασανιζομενους τους επτα υιους

⁴ αλλα τω λογισμω της ευσεβειας κατεσβεσεν τα τοσαυτα και τηλικαυτα παθη η μητηρ

⁵ και γαρ τουτο επιλογισασθε οτι δειλοψυχος ει ην η γυνη καιπερ μητηρ ουσα ωλοφυρετο αν επ' αυτοις και ισως αν ταυτα ειπεν

⁶ ω μελεα εγωγε και πολλακις τρισαθλια ητις επτα παιδας τεκουσα ουδενος μητηρ γεγενημαι

⁷ ω ματαιοι επτα κυοφοριαι και ανονητοι επτα δεκαμηνοι και ακαρποι τιθηνιαι και ταλαιπωροι γαλακτοτροφιαι

⁸ ματην δε εφ' υμιν ω παιδες πολλας υπεμεινα ωδινας και χαλεπωτερας φροντιδας ανατροφης

⁹ ω των εμων παιδων οι μεν αγαμοι οι δε γημαντες ανονητοι ουκ οψομαι υμων τεκνα ουδε μαμμη κληθεισα μακαρισθησομαι

¹⁰ ω η πολυπαις και καλλιπαις εγω γυνη χηρα και μονη πολυθρηνος

¹¹ ουδ' αν αποθανω θαπτοντα των υιων εξω τινα

¹² αλλα τουτω τω θρηνω ουδενα ωλοφυρετο η ιερα και θεοσεβης μητηρ ουδ' ινα μη αποθανωσιν απετρεπεν αυτων τινα ουδ' ως αποθνησκοντων ελυπηθη

¹³ αλλ' ωσπερ αδαμαντινον εχουσα τον νουν και εις αθανασιαν ανατικτουσα τον των υιων αριθμον μαλλον υπερ της ευσεβειας επι τον θανατον αυτους προετρεπετο ικετευουσα

¹⁴ ω μητερ δι' ευσεβειαν θεου στρατιωτι πρεσβυτι και γυναι δια καρτεριαν και τυραννον ενικησας και εργοις δυνατωτερα και λογοις ευρεθης ανδρος

¹⁵ και γαρ οτε συνελημφθης μετα των παιδων ειστηκεις τον ελεαζαρον ορωσα βασανιζομενον και ελεγες τοις παισιν εν τη εβραιδι φωνη

¹⁶ ω παιδες γενναιος ο αγων εφ' ον κληθεντες υπερ της διαμαρτυριας του εθνους εναγωνισασθε προθυμως υπερ του πατρωου νομου

¹⁷ και γαρ αισχρον τον μεν γεροντα τουτον υπομενειν τας δια την ευσεβειαν αλγηδονας υμας δε τους νεανισκους καταπλαγηναι τας βασανους

¹⁸ αναμνησθητε οτι δια τον θεον του κοσμου μετελαβετε και του βιου απελαυσατε

¹⁹ και δια τουτο οφειλετε παντα πονον υπομενειν δια τον θεον

²⁰ δι' ον και ο πατηρ ημων αβρααμ εσπευδεν τον εθνοπατορα υιον σφαγιασαι ισαακ και την πατρωαν χειρα ξιφηφορον καταφερομενην επ' αυτον ορων ουκ επτηξεν

²¹ και δανιηλ ο δικαιος εις λεοντας εβληθη και ανανιας και αζαριας και μισαηλ εις καμινον πυρος απεσφενδονηθησαν και υπεμειναν δια τον θεον

²² και υμεις ουν την αυτην πιστιν προς τον θεον εχοντες μη χαλεπαινετε

²³ αλογιστον γαρ ειδοτας ευσεβειαν μη ανθιστασθαι τοις πονοις

²⁴ δια τουτων των λογων η επταμητωρ ενα εκαστον των υιων παρακαλουσα αποθανειν επεισεν μαλλον η παραβηναι την εντολην του θεου

²⁵ ετι δε και ταυτα ειδοτες οτι οι δια τον θεον αποθνησκοντες ζωσιν τω θεω ωσπερ αβρααμ και ισαακ και ιακωβ και παντες οι πατριαρχαι