ΜΑΚΚΑΒΑΙΩΝ Δ´ - 4 Maccabei - Maccabees IV 12

¹ ως δε και ουτος μακαριως απεθανεν καταβληθεις εις λεβητα ο εβδομος παρεγινετο παντων νεωτερος

² ον κατοικτιρας ο τυραννος καιπερ δεινως υπο των αδελφων αυτου κακισθεις ορων ηδη τα δεσμα περικειμενα πλησιεστερον αυτον μετεπεμψατο και παρηγορειν επειρατο λεγων

³ της μεν των αδελφων σου απονοιας το τελος ορας δια γαρ απειθειαν στρεβλωθεντες τεθνασιν

⁴ συ δε ει μεν μη πεισθειης ταλας βασανισθεις και αυτος τεθνηξη προ ωρας

⁵ πεισθεις δε φιλος εση και των επι της βασιλειας αφηγηση πραγματων

⁶ και ταυτα παρακαλων την μητερα του παιδος μετεπεμψατο οπως αυτην ελεησας τοσουτων υιων στερηθεισαν παρορμησειεν επι την σωτηριον ευπειθειαν τον περιλειπομενον

⁷ ο δε της μητρος τη εβραιδι φωνη προτρεψαμενης αυτον ως ερουμεν μετα μικρον υστερον

⁸ λυσατε με φησιν ειπω τω βασιλει και τοις συν αυτω φιλοις πασιν

⁹ και επιχαρεντες μαλιστα επι τη επαγγελια του παιδος ταχεως ελυσαν αυτον

¹⁰ και δραμων επι πλησιον των τηγανων

¹¹ ανοσιε φησιν και παντων πονηρων ασεβεστατε τυραννε ουκ ηδεσθης παρα του θεου λαβων τα αγαθα και την βασιλειαν τους θεραποντας αυτου κατακτειναι και τους της ευσεβειας ασκητας στρεβλωσαι

¹² ανθ' ων ταμιευσεται σε η δικη πυκνοτερω και αιωνιω πυρι και βασανοις αι εις ολον τον αιωνα ουκ ανησουσιν σε

¹³ ουκ ηδεσθης ανθρωπος ων θηριωδεστατε τους ομοιοπαθεις και εκ των αυτων γεγονοτας στοιχειων γλωττοτομησαι και τουτον καταικισας τον τροπον βασανισαι

¹⁴ αλλ' οι μεν ευγενως αποθανοντες επληρωσαν την εις τον θεον ευσεβειαν συ δε κακως οιμωξεις τους της αρετης αγωνιστας αναιτιως αποκτεινας

¹⁵ οθεν και αυτος αποθνησκειν μελλων εφη

¹⁶ ουκ απαυτομολω της των αδελφων μου αριστειας

¹⁷ επικαλουμαι δε τον πατρωον θεον οπως ιλεως γενηται τω εθνει ημων

¹⁸ σε δε και εν τω νυν βιω και θανοντα τιμωρησεται

¹⁹ και ταυτα κατευξαμενος εαυτον ερριψε κατα των τηγανων και ουτως απεδωκεν