ΜΑΚΚΑΒΑΙΩΝ Δ´ - 4 Maccabei - Maccabees IV 10

¹ και τουτου τον αοιδιμον θανατον καρτερησαντος ο τριτος ηγετο παρακαλουμενος πολλα υπο πολλων οπως απογευσαμενος σωζοιτο

² ο δε αναβοησας εφη αγνοειτε οτι αυτος με τοις αποθανουσιν εσπειρεν πατηρ και η αυτη μητηρ εγεννησεν και επι τοις αυτοις ανετραφην δογμασιν

³ ουκ εξομνυμαι την ευγενη της αδελφοτητος συγγενειαν

⁴ -

⁵ οι δε πικρως ενεγκαντες την παρρησιαν του ανδρος αρθρεμβολοις οργανοις τας χειρας αυτου και τους ποδας εξηρθρουν και εξ αρμων αναμοχλευοντες εξεμελιζον

⁶ τους δακτυλους και τους βραχιονας και τα σκελη και τους αγκωνας περιεκλων

⁷ και κατα μηδενα τροπον ισχυοντες αυτον αγξαι περιλυσαντες τα οργανα συν ακραις ταις των δακτυλων κορυφαις απεσκυθιζον

⁸ και ευθεως ηγον επι τον τροχον περι ον εκ σπονδυλων εκμελιζομενος εωρα τας εαυτου σαρκας περιλακιζομενας και κατα σπλαγχνων σταγονας αιματος απορρεουσας

⁹ μελλων δε αποθνησκειν εφη

¹⁰ ημεις μεν ω μιαρωτατε τυραννε δια παιδειαν και αρετην θεου ταυτα πασχομεν

¹¹ συ δε δια την ασεβειαν και μιαιφονιαν ακαταλυτους καρτερησεις βασανους

¹² και τουτου θανοντος αδελφοπρεπως τον τεταρτον επεσπωντο λεγοντες

¹³ μη μανης και συ τοις αδελφοις σου την αυτην μανιαν αλλα πεισθεις τω βασιλει σωζε σεαυτον

¹⁴ ο δε αυτοις εφη ουχ ουτως καυστικωτερον εχετε κατ' εμου το πυρ ωστε με δειλανδρησαι

¹⁵ μα τον μακαριον των αδελφων μου θανατον και τον αιωνιον του τυραννου ολεθρον και τον αιδιον των ευσεβων βιον ουκ αρνησομαι την ευγενη αδελφοτητα

¹⁶ επινοει τυραννε βασανους ινα και δι' αυτων μαθης οτι αδελφος ειμι των προβασανισθεντων

¹⁷ ταυτα ακουσας ο αιμοβορος και φονωδης και παμμιαρωτατος αντιοχος εκελευσεν την γλωτταν αυτου εκτεμειν

¹⁸ ο δε εφη καν αφελης το της φωνης οργανον και σιωπωντων ακουει ο θεος

¹⁹ ιδου προκεχαλασται η γλωσσα τεμνε ου γαρ παρα τουτο τον λογισμον ημων γλωττοτομησεις

²⁰ ηδεως υπερ του θεου τα του σωματος μελη ακρωτηριαζομεθα

²¹ σε δε ταχεως μετελευσεται ο θεος την γαρ των θειων υμνων μελωδον γλωτταν εκτεμνεις