ΣΟΦΙΑ ΣΑΛΩΜΩΝ - Sapienza - Wisdom 34

¹ κεναι ελπιδες και ψευδεις ασυνετω ανδρι και ενυπνια αναπτερουσιν αφρονας

² ως δρασσομενος σκιας και διωκων ανεμον ουτως ο επεχων ενυπνιοις

³ τουτο κατα τουτου ορασις ενυπνιων κατεναντι προσωπου ομοιωμα προσωπου

⁴ απο ακαθαρτου τι καθαρισθησεται και απο ψευδους τι αληθευσει

⁵ μαντειαι και οιωνισμοι και ενυπνια ματαια εστιν και ως ωδινουσης φανταζεται καρδια

⁶ εαν μη παρα υψιστου αποσταλη εν επισκοπη μη δως εις αυτα την καρδιαν σου

⁷ πολλους γαρ επλανησεν τα ενυπνια και εξεπεσον ελπιζοντες επ' αυτοις

⁸ ανευ ψευδους συντελεσθησεται νομος και σοφια στοματι πιστω τελειωσις

⁹ ανηρ πεπλανημενος εγνω πολλα και ο πολυπειρος εκδιηγησεται συνεσιν

¹⁰ ος ουκ επειραθη ολιγα οιδεν ο δε πεπλανημενος πληθυνει πανουργιαν

¹¹ πολλα εωρακα εν τη αποπλανησει μου και πλειονα των λογων μου συνεσις μου

¹² πλεονακις εως θανατου εκινδυνευσα και διεσωθην τουτων χαριν

¹³ πνευμα φοβουμενων κυριον ζησεται η γαρ ελπις αυτων επι τον σωζοντα αυτους

¹⁴ ο φοβουμενος κυριον ουδεν ευλαβηθησεται και ου μη δειλιαση οτι αυτος ελπις αυτου

¹⁵ φοβουμενου τον κυριον μακαρια η ψυχη τινι επεχει και τις αυτου στηριγμα

¹⁶ οι οφθαλμοι κυριου επι τους αγαπωντας αυτον υπερασπισμος δυναστειας και στηριγμα ισχυος σκεπη απο καυσωνος και σκεπη απο μεσημβριας φυλακη απο προσκομματος και βοηθεια απο πτωσεως

¹⁷ ανυψων ψυχην και φωτιζων οφθαλμους ιασιν διδους ζωην και ευλογιαν

¹⁸ θυσιαζων εξ αδικου προσφορα μεμωμημενη και ουκ εις ευδοκιαν δωρηματα ανομων

¹⁹ ουκ ευδοκει ο υψιστος εν προσφοραις ασεβων ουδε εν πληθει θυσιων εξιλασκεται αμαρτιας

²⁰ θυων υιον εναντι του πατρος αυτου ο προσαγων θυσιαν εκ χρηματων πενητων

²¹ αρτος επιδεομενων ζωη πτωχων ο αποστερων αυτην ανθρωπος αιματων

²² φονευων τον πλησιον ο αφαιρουμενος εμβιωσιν και εκχεων αιμα ο αποστερων μισθον μισθιου

²³ εις οικοδομων και εις καθαιρων τι ωφελησαν πλειον η κοπους

²⁴ εις ευχομενος και εις καταρωμενος τινος φωνης εισακουσεται ο δεσποτης

²⁵ βαπτιζομενος απο νεκρου και παλιν απτομενος αυτου τι ωφελησεν εν τω λουτρω αυτου

²⁶ ουτως ανθρωπος νηστευων επι των αμαρτιων αυτου και παλιν πορευομενος και τα αυτα ποιων της προσευχης αυτου τις εισακουσεται και τι ωφελησεν εν τω ταπεινωθηναι αυτον