Canticum Canticorum 3

NOVA VULGATA	NEW AMERICAN BIBLE
1 In lectulo meo per noctes quaesivi, quem diligit anima mea; quaesivi illum et non inveni.	1 On my bed at night I sought him
2 “ Surgam et circuibo civitatem; per vicos et plateas quaeram, quem diligit anima mea”. Quaesivi illum et non inveni.	2 I will rise then and go about the city;
3 Invenerunt me vigiles, qui circumeunt civitatem: “ Num, quem diligit anima mea, vidistis? ”.	3 The watchmen came upon me
4 Paululum cum pertransissem eos, inveni, quem diligit anima mea; tenui eum nec dimittam, donec introducam illum in domum matris meae et in cubiculum genetricis meae.	4 I had hardly left them
5 Adiuro vos, filiae Ierusalem, per capreas cervasque camporum, ne suscitetis neque evigilare faciatis dilectam, donec ipsa velit.	5 I adjure you, daughters of Jerusalem,
6 Quid hoc, quod ascendit per desertum sicut virgula fumi, aromatizans tus et myrrham et universum pulverem pigmentarii?	6 What is this coming up from the desert,
7 En lectulum Salomonis. Sexaginta fortes ambiunt illum ex fortissimis Israel,	7 Ah, it is the litter of Solomon;
8 omnes tenentes gladios et ad bella doctissimi, uniuscuiusque ensis super femur suum propter timores nocturnos.	8 All of them expert with the sword,
9 Ferculum fecit sibi rex Salomon de lignis Libani;	9 King Solomon made himself a carriage
10 columnas eius fecit argenteas, reclinatorium aureum, sedile purpureum: medium eius stratum ebeneum. Filiae Ierusalem,	10 He made its columns of silver,
11 egredimini et videte, filiae Sion, regem Salomonem in diademate, quo coronavit illum mater sua in die desponsationis illius et in die laetitiae cordis eius.	11 Daughters of Jerusalem, come forth