Isaiah (ישעיה) - Isaia 110

MODERN HEBREW BIBLE	STUTTGARTENSIA-DELITZSCH
1 לדוד מזמור נאם יהוה לאדני שב לימיני עד אשית איביך הדם לרגליך	1 לְדָוִד מִזְמֹור נְאֻם יְהוָה ׀ לַאדֹנִי שֵׁב לִימִינִי עַד־אָשִׁית אֹיְבֶיךָ הֲדֹם לְרַגְלֶיךָ
2 מטה עזך ישלח יהוה מציון רדה בקרב איביך	2 מַטֵּה־עֻזְּךָ יִשְׁלַח יְהוָה מִצִּיֹּון רְדֵה בְּקֶרֶב אֹיְבֶיךָ
3 עמך נדבת ביום חילך בהדרי קדש מרחם משחר לך טל ילדתיך	3 עַמְּךָ נְדָבֹת בְּיֹום חֵילֶךָ בְּהַדְרֵי־קֹדֶשׁ מֵרֶחֶם מִשְׁחָר לְךָ טַל יַלְדֻתֶיךָ
4 נשבע יהוה ולא ינחם אתה כהן לעולם על דברתי מלכי צדק	4 נִשְׁבַּע יְהוָה ׀ וְלֹא יִנָּחֵם אַתָּה־כֹהֵן לְעֹולָם עַל־דִּבְרָתִי מַלְכִּי־צֶדֶק
5 אדני על ימינך מחץ ביום אפו מלכים	5 אֲדֹנָי עַל־יְמִינְךָ מָחַץ בְּיֹום־אַפֹּו מְלָכִים
6 ידין בגוים מלא גויות מחץ ראש על ארץ רבה	6 יָדִין בַּגֹּויִם מָלֵא גְוִיֹּות מָחַץ רֹאשׁ עַל־אֶרֶץ רַבָּה
7 מנחל בדרך ישתה על כן ירים ראש	7 מִנַּחַל בַּדֶּרֶךְ יִשְׁתֶּה עַל־כֵּן יָרִים רֹאשׁ