Canticum Canticorum 7

NOVA VULGATA	NEW AMERICAN BIBLE
1 Convertere, convertere, Sula mitis; convertere, convertere, ut intueamur te. Quid aspicitis in Sulamitem, cum saltat inter binos choros?	1 Turn, turn, O Shulammite,
2 Quam pulchri sunt pedes tui in calceamentis, filia principis! Flexurae femorum tuorum sicut monilia, quae fabricata sunt manu artificis.	2 How beautiful are your feet in sandals,
3 Gremium tuum crater tornatilis: numquam indigeat vino mixto; venter tuus sicut acervus tritici vallatus liliis.	3 Your navel is a round bowl
4 Duo ubera tua sicut duo hinnuli, gemelli capreae,	4 Your breasts are like twin fawns,
5 collum tuum sicut turris eburnea. Oculi tui sicut piscinae in Hesebon, quae sunt ad portam Bathrabbim; nasus tuus sicut turris Libani, quae respicit contra Damascum.	5 Your neck is like a tower of ivory.
6 Caput tuum ut Carmelus, et comae capitis tui sicut purpura; rex vincitur cincinnis.	6 You head rises like Carmel;
7 Quam pulchra es et quam decora, carissima, in deliciis!	7 How beautiful you are, how pleasing,
8 Statura tua assimilata est palmae, et ubera tua botris.	8 Your very figure is like a palm tree,
9 Dixi: “ Ascendam in palmam et apprehendam fructus eius ”. Et erunt ubera tua sicut botri vineae, et odor oris tui sicut malorum.	9 I said: I will climb the palm tree,
10 Guttur tuum sicut vinum optimum, dignum dilecto meo ad potandum, labiisque et dentibus illius ad ruminandum.	10 And your mouth like an excellent wine-
11 Ego dilecto meo, et ad me appetitus eius.	11 I belong to my lover
12 Veni, dilecte mi, egrediamur in agrum, commoremur in villis;	12 Come, my lover, let us go forth to the fields
13 mane properabimus ad vineas, videbimus; si floruit vinea, si flores aperiuntur, si floruerunt mala punica; ibi dabo tibi amores meos.	13 Let us go early to the vineyards, and see
14 Mandragorae dederunt odorem; in portis nostris omnia poma optima, nova et vetera, dilecte mi, servavi tibi.	14 The mandrakes give forth fragrance,