Giobbe 33
Confronta con un'altra Bibbia
Cambia Bibbia
NOVA VULGATA | VULGATA |
---|---|
1 Audi igitur, Iob, eloquia mea et omnes sermones meos ausculta. | 1 Audi igitur, Job, eloquia mea, et omnes sermones meos ausculta. |
2 Ecce aperui os meum, loquatur lingua mea in faucibus meis. | 2 Ecce aperui os meum : loquatur lingua mea in faucibus meis. |
3 Ex recto corde sermones mei sunt, et sententiam puram labia mea loquentur. | 3 Simplici corde meo sermones mei, et sententiam puram labia mea loquentur. |
4 Spiritus Dei fecit me, et spiraculum Omnipotentis vivificavit me. | 4 Spiritus Dei fecit me, et spiraculum Omnipotentis vivificavit me. |
5 Si potes, responde mihi, praepara te coram me et consiste. | 5 Si potes, responde mihi, et adversus faciem meam consiste. |
6 Ecce ego sicut tu coram Deo sum et de eodem luto abscissus sum et ego. | 6 Ecce, et me sicut et te fecit Deus, et de eodem luto ego quoque formatus sum. |
7 Verumtamen terror meus non te terreat, et onus meum non sit tibi grave. | 7 Verumtamen miraculum meum non te terreat, et eloquentia mea non sit tibi gravis. |
8 Dixisti ergo in auribus meis, et vocem verborum tuorum audivi: | 8 Dixisti ergo in auribus meis, et vocem verborum tuorum audivi : |
9 “Mundus sum ego et absque delicto; immaculatus, et non est iniquitas in me. | 9 Mundus sum ego, et absque delicto : immaculatus, et non est iniquitas in me. |
10 Quia querelas in me repperit, ideo arbitratus est me inimicum sibi; | 10 Quia querelas in me reperit, ideo arbitratus est me inimicum sibi. |
11 posuit in nervo pedes meos, custodivit omnes semitas meas”. | 11 Posuit in nervo pedes meos ; custodivit omnes semitas meas. |
12 Hoc est ergo, in quo non es iustificatus, respondebo tibi, quia maior est Deus homine. | 12 Hoc est ergo in quo non es justificatus : respondebo tibi, quia major sit Deus homine. |
13 Quare adversus eum contendis, quod non ad omnia verba responderit tibi? | 13 Adversus eum contendis, quod non ad omnia verba responderit tibi ? |
14 Semel loquitur Deus, et secundo idipsum non repetit. | 14 Semel loquitur Deus, et secundo idipsum non repetit. |
15 Per somnium in visione nocturna, quando irruit sopor super homines, et dormiunt in lectulo, | 15 Per somnium, in visione nocturna, quando irruit sopor super homines, et dormiunt in lectulo, |
16 tunc aperit aures virorum et in visionibus terret eos, | 16 tunc aperit aures virorum, et erudiens eos instruit disciplina, |
17 ut avertat hominem ab his, quae facit, et liberet eum de superbia, | 17 ut avertat hominem ab his quæ facit, et liberet eum de superbia, |
18 eruens animam eius a fovea et vitam illius, ut non transeat canalem mortis. | 18 eruens animam ejus a corruptione, et vitam illius ut non transeat in gladium. |
19 Increpat quoque per dolorem in lectulo, et tremitus ossium eius continuus. | 19 Increpat quoque per dolorem in lectulo, et omnia ossa ejus marcescere facit. |
20 Abominabilis ei fit in vita sua panis, et animae illius cibus ante desiderabilis. | 20 Abominabilis ei fit in vita sua panis, et animæ illius cibus ante desiderabilis. |
21 Tabescet caro eius in conspectu, et ossa, quae non videbantur, nudabuntur. | 21 Tabescet caro ejus, et ossa, quæ tecta fuerant, nudabuntur. |
22 Appropinquavit corruptioni foveae, et vita illius mortiferis sedibus. | 22 Appropinquavit corruptioni anima ejus, et vita illius mortiferis. |
23 Si fuerit apud eum angelus, unus de milibus interpres, ut annuntiet homini aequitatem, | 23 Si fuerit pro eo angelus loquens, unus de millibus, ut annuntiet hominis æquitatem, |
24 miserebitur eius et dicet: “Libera eum, ut non descendat in foveam; inveni, in quo ei propitier”. | 24 miserebitur ejus, et dicet : Libera eum, ut non descendat in corruptionem : inveni in quo ei propitier. |
25 Revirescet caro eius plus quam in iuventute, revertetur ad dies adulescentiae suae. | 25 Consumpta est caro ejus a suppliciis : revertatur ad dies adolescentiæ suæ. |
26 Deprecabitur Deum, et placabilis ei erit; et videbit faciem eius in iubilo, et reddet homini iustitiam suam. | 26 Deprecabitur Deum, et placabilis ei erit : et videbit faciem ejus in jubilo, et reddet homini justitiam suam. |
27 Canit ad homines et dicit: “Peccavi et iustitiam perverti et non debui satisfacere. | 27 Respiciet homines, et dicet : Peccavi, et vere deliqui, et ut eram dignus, non recepi. |
28 Liberavit animam suam, ne pergeret in foveam, sed vivens lucem videret”. | 28 Liberavit animam suam, ne pergeret in interitum, sed vivens lucem videret. |
29 Ecce haec omnia operatur Deus duobus, tribus vicibus cum homine, | 29 Ecce hæc omnia operatur Deus tribus vicibus per singulos, |
30 ut revocet animas eorum a fovea et illuminet luce viventium. | 30 ut revocet animas eorum a corruptione, et illuminet luce viventium. |
31 Attende, Iob, et audi me et tace, dum ego loquor. | 31 Attende, Job, et audi me : et tace, dum ego loquor. |
32 Si autem habes quod loquaris, responde mihi; loquere, volo enim te apparereiustum. | 32 Si autem habes quod loquaris, responde mihi : loquere, volo enim te apparere justum. |
33 Quod si non habes, audi me; tace, et docebo te sapientiam ”. | 33 Quod si non habes, audi me : tace, et docebo te sapientiam. |