Ecclesiasticus 3
123456789101112131415161718192021222324252627282930313233343536373839404142434445464748495051
Gen
Ex
Lv
Nm
Deut
Ios
Iudc
Ruth
1 Re
2 Re
3 Re
4 Re
1 Par
2 Par
Esd
Neh
Tob
Iudt
Esth
1 Mach
2 Mach
Iob
Ps
Prov
Eccle
Cant
Sap
Eccli
Isa
Ier
Lam
Bar
Ez
Dan
Os
Ioel
Am
Abd
Ion
Mi
Nah
Hab
Soph
Agg
Zach
Mal
Mt
Mc
Lc
Io
Act
Rom
1Cor
2Cor
Gal
Eph
Phil
Col
1 Thess
2 Thess
1 Tim
2 Tim
Tit
Philem
Hebr
Iac
1 Pt
2 Pt
1 Io
2 Io
3 Io
Iud
Apoc
Confronta con un'altra Bibbia
Cambia Bibbia
VULGATA | NOVA VULGATA |
---|---|
1 Filii sapientiæ ecclesia justorum, et natio illorum obedientia et dilectio. | 1 Filii sapientiae ecclesia iustorum, et natio illorum oboedientia et dilectio. |
2 Judicium patris audite, filii, et sic facite, ut salvi sitis. | 2 Indicium patris audite, filii, et sic facite, ut salvi sitis. |
3 Deus enim honoravit patrem in filiis : et judicium matris exquirens, firmavit in filios. | 3 Deus enim honoravit patrem in filiis et iudicium matris firmavit in filios. |
4 Qui diligit Deum exorabit pro peccatis, et continebit se ab illis, et in oratione dierum exaudietur. | 4 Qui honorat patrem, exorabit pro peccatis et continebit se ab illis et in oratione dierum exaudietur. |
5 Et sicut qui thesaurizat, ita et qui honorificat matrem suam. | 5 Et, sicut qui thesaurizat, ita et qui honorificat matrem suam. |
6 Qui honorat patrem suum jucundabitur in filiis, et in die orationis suæ exaudietur. | 6 Qui honorat patrem suum, iucundabitur in filiis et in die orationis suae exaudietur; |
7 Qui honorat patrem suum vita vivet longiore, et qui obedit patri refrigerabit matrem. | 7 qui honorat patrem suum, vita vivet longiore, et, qui oboedit patri, refrigerabit matrem. |
8 Qui timet Dominum honorat parentes, et quasi dominis serviet his qui se genuerunt. | 8 Qui timet Dominum, honorat parentes et quasi dominis serviet his, qui se genuerunt. |
9 In opere, et sermone, et omni patientia, honora patrem tuum, | 9 In opere et sermone honora patrem tuum, |
10 ut superveniat tibi benedictio ab eo, et benedictio illius in novissimo maneat. | 10 ut superveniat tibi benedictio ab eo. |
11 Benedictio patris firmat domos filiorum : maledictio autem matris eradicat fundamenta. | 11 Benedictio patris firmat domos filiorum; maledictio autem matris eradicat fundamenta. |
12 Ne glorieris in contumelia patris tui : non enim est tibi gloria ejus confusio. | 12 Ne glorieris in contumelia patris tui, non est enim tibi gloria eius confusio; |
13 Gloria enim hominis ex honore patris sui, et dedecus filii pater sine honore. | 13 gloria enim hominis ex honore patris sui, et dedecus filii mater sine honore. |
14 Fili, suscipe senectam patris tui, et non contristes eum in vita illius : | 14 Fili, suscipe senectam patris tui et non contristes eum in vita illius; |
15 et si defecerit sensu, veniam da, et ne spernas eum in virtute tua : eleemosyna enim patris non erit in oblivione. | 15 et, si defecerit sensu, veniam da et ne spernas eum omnibus diebus vitae eius. Eleemosyna enim patris non erit in oblivione, |
16 Nam pro peccato matris restituetur tibi bonum : | 16 nam pro peccatis ipsa plantabitur |
17 et in justitia ædificabitur tibi, et in die tribulationis commemorabitur tui, et sicut in sereno glacies, solventur peccata tua. | 17 et in iustitia aedificabitur tibi; et in die tribulationis commemorabitur tui, et sicut in sereno glacies solventur tua peccata. |
18 Quam malæ famæ est qui derelinquit patrem, et est maledictus a Deo qui exasperat matrem ! | 18 Quam malae famae est, qui derelinquit patrem; et maledictus a Deo, qui exasperat matrem. |
19 Fili, in mansuetudine opera tua perfice, et super hominum gloriam diligeris. | 19 Fili, in mansuetudine opera tua perfice et super hominem datorem diligeris. |
20 Quanto magnus es, humilia te in omnibus, et coram Deo invenies gratiam : | 20 Quanto magnus es, humilia te in omnibus et coram Deo invenies gratiam. Multi sunt excelsi et gloriosi, sed mansuetis revelat mysteria sua. |
21 quoniam magna potentia Dei solius, et ab humilibus honoratur. | 21 Quoniam magna potentia Dei solius, et ab humilibus honoratur. |
22 Altiora te ne quæsieris, et fortiora te ne scrutatus fueris : sed quæ præcepit tibi Deus, illa cogita semper, et in pluribus operibus ejus ne fueris curiosus. | 22 Altiora te ne quaesieris et fortiora te ne scrutatus fueris; sed, quae praecepit tibi Deus, illa cogita semper et in pluribus operibus eius ne fueris curiosus. |
23 Non est enim tibi necessarium ea, quæ abscondita sunt, videre oculis tuis. | 23 Non est enim tibi necessarium ea, quae abscondita sunt, videre oculis tuis. |
24 In supervacuis rebus noli scrutari multipliciter, et in pluribus operibus ejus non eris curiosus. | 24 In supervacuis rebus noli scrutari multipliciter; |
25 Plurima enim super sensum hominum ostensa sunt tibi : | 25 plurima enim super sensum hominum ostensa sunt tibi. |
26 multos quoque supplantavit suspicio illorum, et in vanitate detinuit sensus illorum. | 26 Multos quoque supplantavit suspicio illorum, et species vana decepit sensus illorum. Sine pupilla deerit lux, sine scientia deerit sapientia. |
27 Cor durum habebit male in novissimo, et qui amat periculum in illo peribit. | 27 Cor durum male habebit in novissimo; et, qui amat periculum, in illo peribit. |
28 Cor ingrediens duas vias non habebit successus, et pravus corde in illis scandalizabitur. | 28 Cor ingrediens duas vias non habebit successus, et pravus corde in illis scandalizabitur. |
29 Cor nequam gravabitur in doloribus, et peccator adjiciet ad peccandum. | 29 Cor nequam gravabitur doloribus, et peccator adiciet peccatum ad peccatum. |
30 Synagogæ superborum non erit sanitas, frutex enim peccati radicabitur in illis, et non intelligetur. | 30 Plagis superborum non erit sanitas, frutex enim peccati radicabitur in illis et non intellegetur. |
31 Cor sapientis intelligitur in sapientia, et auris bona audiet cum omni concupiscentia sapientiam. | 31 Cor sapientis intelleget verba sapientium, et auris audiens concupiscet sapientiam. |
32 Sapiens cor et intelligibile abstinebit se a peccatis, et in operibus justitiæ successus habebit. | 32 Sapiens cor et intellegibile abstinebit se a peccatis et in operibus iustitiae successus habebit. |
33 Ignem ardentem exstinguit aqua, et eleemosyna resistit peccatis : | 33 Ignem ardentem exstinguit aqua, sic eleemosyna expiat peccata. |
34 et Deus prospector est ejus qui reddit gratiam : meminit ejus in posterum, et in tempore casus sui inveniet firmamentum. | 34 Deus prospector est eius, qui reddit gratiam; meminit eius in posterum, et in tempore casus sui inveniet firmamentum. |