Jó 17
123456789101112131415161718192021222324252627282930313233343536373839404142
Gen
Ex
Lv
Nm
Deut
Ios
Iudc
Ruth
1 Re
2 Re
3 Re
4 Re
1 Par
2 Par
Esd
Neh
Tob
Iudt
Esth
1 Mach
2 Mach
Iob
Ps
Prov
Eccle
Cant
Sap
Eccli
Isa
Ier
Lam
Bar
Ez
Dan
Os
Ioel
Am
Abd
Ion
Mi
Nah
Hab
Soph
Agg
Zach
Mal
Mt
Mc
Lc
Io
Act
Rom
1Cor
2Cor
Gal
Eph
Phil
Col
1 Thess
2 Thess
1 Tim
2 Tim
Tit
Philem
Hebr
Iac
1 Pt
2 Pt
1 Io
2 Io
3 Io
Iud
Apoc
Confronta con un'altra Bibbia
Cambia Bibbia
VULGATA | NOVA VULGATA |
---|---|
1 Spiritus meus attenuabitur ; dies mei breviabuntur : et solum mihi superest sepulchrum. | 1 Spiritus meus attenuatus est, dies mei exstincti, et solum mihi superest sepulcrum. |
2 Non peccavi, et in amaritudinibus moratur oculus meus. | 2 Nonne irrisiones circumdant me, et in amaritudinibus moratur oculus meus? |
3 Libera me, Domine, et pone me juxta te, et cujusvis manus pugnet contra me. | 3 Pone pignus pro me iuxta te; et quis umquam spondens percutiet manum meam? |
4 Cor eorum longe fecisti a disciplina : propterea non exaltabuntur. | 4 Cor eorum longe fecisti a disciplina; propterea non exaltabuntur. |
5 Prædam pollicetur sociis, et oculi filiorum ejus deficient. | 5 Praedam pollicetur sociis, sed oculi filiorum eius deficient. |
6 Posuit me quasi in proverbium vulgi, et exemplum sum coram eis. | 6 Posuit me quasi in proverbium vulgi et conspuendum in faciem. |
7 Caligavit ab indignatione oculus meus, et membra mea quasi in nihilum redacta sunt. | 7 Caligavit ab indignatione oculus meus, et membra mea quasi in umbram redacta sunt. |
8 Stupebunt justi super hoc, et innocens contra hypocritam suscitabitur. | 8 Stupebunt iusti super hoc, et innocens contra impium excitabitur. |
9 Et tenebit justus viam suam, et mundis manibus addet fortitudinem. | 9 Et tenebit iustus viam suam, et mundus manibus addet fortitudinem. |
10 Igitur omnes vos convertimini, et venite, et non inveniam in vobis ullum sapientem. | 10 Igitur omnes vos convertimini et venite, et non inveniam in vobis ullum sapientem. |
11 Dies mei transierunt ; cogitationes meæ dissipatæ sunt, torquentes cor meum. | 11 Dies mei transierunt, cogitationes meae dissipatae sunt et desideria cordis mei. |
12 Noctem verterunt in diem, et rursum post tenebras spero lucem. | 12 Noctem verterunt in diem; et rursum post tenebras properat lux. |
13 Si sustinuero, infernus domus mea est, et in tenebris stravi lectulum meum. | 13 Si sustinuero, infernus domus mea est; et in tenebris stravi lectulum meum. |
14 Putredini dixi : Pater meus es ; Mater mea, et soror mea, vermibus. | 14 Putredini dixi: Pater meus es!; Mater mea et soror mea! vermibus. |
15 Ubi est ergo nunc præstolatio mea ? et patientiam meam quis considerat ? | 15 Ubi est ergo nunc praestolatio mea, et patientiam meam quis considerat? |
16 In profundissimum infernum descendent omnia mea : putasne saltem ibi erit requies mihi ? | 16 In profundissimum infernum descendent omnia mea; simul in pulvere erit requies mihi? ”. |