ΠΑΡΟΙΜΙΑΙ - Proverbi - Proverbs 22

¹ αιρετωτερον ονομα καλον η πλουτος πολυς υπερ δε αργυριον και χρυσιον χαρις αγαθη

² πλουσιος και πτωχος συνηντησαν αλληλοις αμφοτερους δε ο κυριος εποιησεν

³ πανουργος ιδων πονηρον τιμωρουμενον κραταιως αυτος παιδευεται οι δε αφρονες παρελθοντες εζημιωθησαν

⁴ γενεα σοφιας φοβος κυριου και πλουτος και δοξα και ζωη

⁵ τριβολοι και παγιδες εν οδοις σκολιαις ο δε φυλασσων την εαυτου ψυχην αφεξεται αυτων

⁶ -

⁷ πλουσιοι πτωχων αρξουσιν και οικεται ιδιοις δεσποταις δανιουσιν

⁸ ο σπειρων φαυλα θερισει κακα πληγην δε εργων αυτου συντελεσει [8α] ανδρα ιλαρον και δοτην ευλογει ο θεος ματαιοτητα δε εργων αυτου συντελεσει

⁹ ο ελεων πτωχον αυτος διατραφησεται των γαρ εαυτου αρτων εδωκεν τω πτωχω [9α] νικην και τιμην περιποιειται ο δωρα δους την μεντοι ψυχην αφαιρειται των κεκτημενων

¹⁰ εκβαλε εκ συνεδριου λοιμον και συνεξελευσεται αυτω νεικος οταν γαρ καθιση εν συνεδριω παντας ατιμαζει

¹¹ αγαπα κυριος οσιας καρδιας δεκτοι δε αυτω παντες αμωμοι χειλεσιν ποιμαινει βασιλευς

¹² οι δε οφθαλμοι κυριου διατηρουσιν αισθησιν φαυλιζει δε λογους παρανομος

¹³ προφασιζεται και λεγει οκνηρος λεων εν ταις οδοις εν δε ταις πλατειαις φονευται

¹⁴ βοθρος βαθυς στομα παρανομου ο δε μισηθεις υπο κυριου εμπεσειται εις αυτον [14α] εισιν οδοι κακαι ενωπιον ανδρος και ουκ αγαπα του αποστρεψαι απ' αυτων αποστρεφειν δε δει απο οδου σκολιας και κακης

¹⁵ ανοια εξηπται καρδιας νεου ραβδος δε και παιδεια μακραν απ' αυτου

¹⁶ ο συκοφαντων πενητα πολλα ποιει τα εαυτου διδωσιν δε πλουσιω επ' ελασσονι

¹⁷ λογοις σοφων παραβαλλε σον ους και ακουε εμον λογον την δε σην καρδιαν επιστησον ινα γνως οτι καλοι εισιν

¹⁸ και εαν εμβαλης αυτους εις την καρδιαν σου ευφρανουσιν σε αμα επι σοις χειλεσιν

¹⁹ ινα σου γενηται επι κυριον η ελπις και γνωριση σοι την οδον αυτου

²⁰ και συ δε απογραψαι αυτα σεαυτω τρισσως εις βουλην και γνωσιν επι το πλατος της καρδιας σου

²¹ διδασκω ουν σε αληθη λογον και γνωσιν αγαθην υπακουειν του αποκρινεσθαι λογους αληθειας τοις προβαλλομενοις σοι

²² μη αποβιαζου πενητα πτωχος γαρ εστιν και μη ατιμασης ασθενη εν πυλαις

²³ ο γαρ κυριος κρινει αυτου την κρισιν και ρυση σην ασυλον ψυχην

²⁴ μη ισθι εταιρος ανδρι θυμωδει φιλω δε οργιλω μη συναυλιζου

²⁵ μηποτε μαθης των οδων αυτου και λαβης βροχους τη ση ψυχη

²⁶ μη διδου σεαυτον εις εγγυην αισχυνομενος προσωπον

²⁷ εαν γαρ μη εχης ποθεν αποτεισης λημψονται το στρωμα το υπο τας πλευρας σου

²⁸ μη μεταιρε ορια αιωνια α εθεντο οι πατερες σου

²⁹ ορατικον ανδρα και οξυν εν τοις εργοις αυτου βασιλευσι δει παρεσταναι και μη παρεσταναι ανδρασι νωθροις