ΨΑΛΜΟΙ - Salmi - Psalms 56

¹ εις το τελος μη διαφθειρης τω δαυιδ εις στηλογραφιαν εν τω αυτον αποδιδρασκειν απο προσωπου σαουλ εις το σπηλαιον

² ελεησον με ο θεος ελεησον με οτι επι σοι πεποιθεν η ψυχη μου και εν τη σκια των πτερυγων σου ελπιω εως ου παρελθη η ανομια

³ κεκραξομαι προς τον θεον τον υψιστον τον θεον τον ευεργετησαντα με

⁴ εξαπεστειλεν εξ ουρανου και εσωσεν με εδωκεν εις ονειδος τους καταπατουντας με διαψαλμα εξαπεστειλεν ο θεος το ελεος αυτου και την αληθειαν αυτου

⁵ και ερρυσατο την ψυχην μου εκ μεσου σκυμνων εκοιμηθην τεταραγμενος υιοι ανθρωπων οι οδοντες αυτων οπλον και βελη και η γλωσσα αυτων μαχαιρα οξεια

⁶ υψωθητι επι τους ουρανους ο θεος και επι πασαν την γην η δοξα σου

⁷ παγιδα ητοιμασαν τοις ποσιν μου και κατεκαμψαν την ψυχην μου ωρυξαν προ προσωπου μου βοθρον και ενεπεσαν εις αυτον διαψαλμα

⁸ ετοιμη η καρδια μου ο θεος ετοιμη η καρδια μου ασομαι και ψαλω

⁹ εξεγερθητι η δοξα μου εξεγερθητι ψαλτηριον και κιθαρα εξεγερθησομαι ορθρου

¹⁰ εξομολογησομαι σοι εν λαοις κυριε ψαλω σοι εν εθνεσιν

¹¹ οτι εμεγαλυνθη εως των ουρανων το ελεος σου και εως των νεφελων η αληθεια σου

¹² υψωθητι επι τους ουρανους ο θεος και επι πασαν την γην η δοξα σου