ΨΑΛΜΟΙ - Salmi - Psalms 93

¹ ψαλμος τω δαυιδ τετραδι σαββατων ο θεος εκδικησεων κυριος ο θεος εκδικησεων επαρρησιασατο

² υψωθητι ο κρινων την γην αποδος ανταποδοσιν τοις υπερηφανοις

³ εως ποτε αμαρτωλοι κυριε εως ποτε αμαρτωλοι καυχησονται

⁴ φθεγξονται και λαλησουσιν αδικιαν λαλησουσιν παντες οι εργαζομενοι την ανομιαν

⁵ τον λαον σου κυριε εταπεινωσαν και την κληρονομιαν σου εκακωσαν

⁶ χηραν και προσηλυτον απεκτειναν και ορφανους εφονευσαν

⁷ και ειπαν ουκ οψεται κυριος ουδε συνησει ο θεος του ιακωβ

⁸ συνετε δη αφρονες εν τω λαω και μωροι ποτε φρονησατε

⁹ ο φυτευσας το ους ουχι ακουει η ο πλασας τον οφθαλμον ου κατανοει

¹⁰ ο παιδευων εθνη ουχι ελεγξει ο διδασκων ανθρωπον γνωσιν

¹¹ κυριος γινωσκει τους διαλογισμους των ανθρωπων οτι εισιν ματαιοι

¹² μακαριος ανθρωπος ον αν συ παιδευσης κυριε και εκ του νομου σου διδαξης αυτον

¹³ του πραυναι αυτω αφ' ημερων πονηρων εως ου ορυγη τω αμαρτωλω βοθρος

¹⁴ οτι ουκ απωσεται κυριος τον λαον αυτου και την κληρονομιαν αυτου ουκ εγκαταλειψει

¹⁵ εως ου δικαιοσυνη επιστρεψη εις κρισιν και εχομενοι αυτης παντες οι ευθεις τη καρδια διαψαλμα

¹⁶ τις αναστησεται μοι επι πονηρευομενους η τις συμπαραστησεται μοι επι εργαζομενους την ανομιαν

¹⁷ ει μη οτι κυριος εβοηθησεν μοι παρα βραχυ παρωκησεν τω αδη η ψυχη μου

¹⁸ ει ελεγον σεσαλευται ο πους μου το ελεος σου κυριε βοηθει μοι

¹⁹ κυριε κατα το πληθος των οδυνων μου εν τη καρδια μου αι παρακλησεις σου ηγαπησαν την ψυχην μου

²⁰ μη συμπροσεσται σοι θρονος ανομιας ο πλασσων κοπον επι προσταγματι

²¹ θηρευσουσιν επι ψυχην δικαιου και αιμα αθωον καταδικασονται

²² και εγενετο μοι κυριος εις καταφυγην και ο θεος μου εις βοηθον ελπιδος μου

²³ και αποδωσει αυτοις την ανομιαν αυτων και κατα την πονηριαν αυτων αφανιει αυτους κυριος ο θεος ημων