ΨΑΛΜΟΙ - Salmi - Psalms 2

¹ ινα τι εφρυαξαν εθνη και λαοι εμελετησαν κενα

² παρεστησαν οι βασιλεις της γης και οι αρχοντες συνηχθησαν επι το αυτο κατα του κυριου και κατα του χριστου αυτου διαψαλμα

³ διαρρηξωμεν τους δεσμους αυτων και απορριψωμεν αφ' ημων τον ζυγον αυτων

⁴ ο κατοικων εν ουρανοις εκγελασεται αυτους και ο κυριος εκμυκτηριει αυτους

⁵ τοτε λαλησει προς αυτους εν οργη αυτου και εν τω θυμω αυτου ταραξει αυτους

⁶ εγω δε κατεσταθην βασιλευς υπ' αυτου επι σιων ορος το αγιον αυτου

⁷ διαγγελλων το προσταγμα κυριου κυριος ειπεν προς με υιος μου ει συ εγω σημερον γεγεννηκα σε

⁸ αιτησαι παρ' εμου και δωσω σοι εθνη την κληρονομιαν σου και την κατασχεσιν σου τα περατα της γης

⁹ ποιμανεις αυτους εν ραβδω σιδηρα ως σκευος κεραμεως συντριψεις αυτους

¹⁰ και νυν βασιλεις συνετε παιδευθητε παντες οι κρινοντες την γην

¹¹ δουλευσατε τω κυριω εν φοβω και αγαλλιασθε αυτω εν τρομω

¹² δραξασθε παιδειας μηποτε οργισθη κυριος και απολεισθε εξ οδου δικαιας οταν εκκαυθη εν ταχει ο θυμος αυτου μακαριοι παντες οι πεποιθοτες επ' αυτω