ΨΑΛΜΟΙ - Salmi - Psalms 136

¹ τω δαυιδ επι των ποταμων βαβυλωνος εκει εκαθισαμεν και εκλαυσαμεν εν τω μνησθηναι ημας της σιων

² επι ταις ιτεαις εν μεσω αυτης εκρεμασαμεν τα οργανα ημων

³ οτι εκει επηρωτησαν ημας οι αιχμαλωτευσαντες ημας λογους ωδων και οι απαγαγοντες ημας υμνον ασατε ημιν εκ των ωδων σιων

⁴ πως ασωμεν την ωδην κυριου επι γης αλλοτριας

⁵ εαν επιλαθωμαι σου ιερουσαλημ επιλησθειη η δεξια μου

⁶ κολληθειη η γλωσσα μου τω λαρυγγι μου εαν μη σου μνησθω εαν μη προαναταξωμαι την ιερουσαλημ εν αρχη της ευφροσυνης μου

⁷ μνησθητι κυριε των υιων εδωμ την ημεραν ιερουσαλημ των λεγοντων εκκενουτε εκκενουτε εως ο θεμελιος εν αυτη

⁸ θυγατηρ βαβυλωνος η ταλαιπωρος μακαριος ος ανταποδωσει σοι το ανταποδομα σου ο ανταπεδωκας ημιν

⁹ μακαριος ος κρατησει και εδαφιει τα νηπια σου προς την πετραν