ΙΩΒ - Giobbe - Job 27

¹ ετι δε προσθεις ιωβ ειπεν τω προοιμιω

² ζη κυριος ος ουτω με κεκρικεν και ο παντοκρατωρ ο πικρανας μου την ψυχην

³ η μην ετι της πνοης μου ενουσης πνευμα δε θειον το περιον μοι εν ρισιν

⁴ μη λαλησειν τα χειλη μου ανομα ουδε η ψυχη μου μελετησει αδικα

⁵ μη μοι ειη δικαιους υμας αποφηναι εως αν αποθανω ου γαρ απαλλαξω μου την ακακιαν

⁶ δικαιοσυνη δε προσεχων ου μη προωμαι ου γαρ συνοιδα εμαυτω ατοπα πραξας

⁷ ου μην δε αλλα ειησαν οι εχθροι μου ωσπερ η καταστροφη των ασεβων και οι επ' εμε επανιστανομενοι ωσπερ η απωλεια των παρανομων

⁸ και τις γαρ εστιν ελπις ασεβει οτι επεχει πεποιθως επι κυριον αρα σωθησεται

⁹ η την δεησιν αυτου εισακουσεται κυριος η επελθουσης αυτω αναγκης

¹⁰ μη εχει τινα παρρησιαν εναντι αυτου η ως επικαλεσαμενου αυτου εισακουσεται αυτου

¹¹ αλλα δη αναγγελω υμιν τι εστιν εν χειρι κυριου α εστιν παρα παντοκρατορι ου ψευσομαι

¹² ιδου δη παντες οιδατε οτι κενα κενοις επιβαλλετε

¹³ αυτη η μερις ανθρωπου ασεβους παρα κυριου κτημα δε δυναστων ελευσεται παρα παντοκρατορος επ' αυτους

¹⁴ εαν δε πολλοι γενωνται οι υιοι αυτου εις σφαγην εσονται εαν δε και ανδρωθωσιν προσαιτησουσιν

¹⁵ οι δε περιοντες αυτου εν θανατω τελευτησουσιν χηρας δε αυτων ουθεις ελεησει

¹⁶ εαν συναγαγη ωσπερ γην αργυριον ισα δε πηλω ετοιμαση χρυσιον

¹⁷ ταυτα παντα δικαιοι περιποιησονται τα δε χρηματα αυτου αληθινοι καθεξουσιν

¹⁸ απεβη δε ο οικος αυτου ωσπερ σητες και ωσπερ αραχνη

¹⁹ πλουσιος κοιμηθεις και ου προσθησει οφθαλμους αυτου διηνοιξεν και ουκ εστιν

²⁰ συνηντησαν αυτω ωσπερ υδωρ αι οδυναι νυκτι δε υφειλατο αυτον γνοφος

²¹ αναλημψεται αυτον καυσων και απελευσεται και λικμησει αυτον εκ του τοπου αυτου

²² και επιρριψει επ' αυτον και ου φεισεται εκ χειρος αυτου φυγη φευξεται

²³ κροτησει επ' αυτου χειρας αυτου και συριει αυτον εκ του τοπου αυτου