ΙΩΒ - Giobbe - Job 10

¹ καμνων τη ψυχη μου στενων επαφησω επ' αυτον τα ρηματα μου λαλησω πικρια ψυχης μου συνεχομενος

² και ερω προς κυριον μη με ασεβειν διδασκε και δια τι με ουτως εκρινας

³ η καλον σοι εαν αδικησω οτι απειπω εργα χειρων σου βουλη δε ασεβων προσεσχες

⁴ η ωσπερ βροτος ορα καθορας η καθως ορα ανθρωπος βλεψη

⁵ η ο βιος σου ανθρωπινος εστιν η τα ετη σου ανδρος

⁶ οτι ανεζητησας την ανομιαν μου και τας αμαρτιας μου εξιχνιασας

⁷ οιδας γαρ οτι ουκ ησεβησα αλλα τις εστιν ο εκ των χειρων σου εξαιρουμενος

⁸ αι χειρες σου επλασαν με και εποιησαν με μετα ταυτα μεταβαλων με επαισας

⁹ μνησθητι οτι πηλον με επλασας εις δε γην με παλιν αποστρεφεις

¹⁰ η ουχ ωσπερ γαλα με ημελξας ετυρωσας δε με ισα τυρω

¹¹ δερμα και κρεας με ενεδυσας οστεοις δε και νευροις με ενειρας

¹² ζωην δε και ελεος εθου παρ' εμοι η δε επισκοπη σου εφυλαξεν μου το πνευμα

¹³ ταυτα εχων εν σεαυτω οιδα οτι παντα δυνασαι αδυνατει δε σοι ουθεν

¹⁴ εαν τε γαρ αμαρτω φυλασσεις με απο δε ανομιας ουκ αθωον με πεποιηκας

¹⁵ εαν τε γαρ ασεβης ω οιμμοι εαν τε ω δικαιος ου δυναμαι ανακυψαι πληρης γαρ ατιμιας ειμι

¹⁶ αγρευομαι γαρ ωσπερ λεων εις σφαγην παλιν δε μεταβαλων δεινως με ολεκεις

¹⁷ επανακαινιζων επ' εμε την ετασιν μου οργη δε μεγαλη μοι εχρησω επηγαγες δε επ' εμε πειρατηρια

¹⁸ ινα τι ουν εκ κοιλιας με εξηγαγες και ουκ απεθανον οφθαλμος δε με ουκ ειδεν

¹⁹ και ωσπερ ουκ ων εγενομην δια τι γαρ εκ γαστρος εις μνημα ουκ απηλλαγην

²⁰ η ουκ ολιγος εστιν ο χρονος του βιου μου εασον με αναπαυσασθαι μικρον

²¹ προ του με πορευθηναι οθεν ουκ αναστρεψω εις γην σκοτεινην και γνοφεραν

²² εις γην σκοτους αιωνιου ου ουκ εστιν φεγγος ουδε οραν ζωην βροτων