Shir ha-Shirim (שיר השירים ) - Cantico dei Cantici 38

STUTTGARTENSIA-DELITZSCH	MODERN HEBREW BIBLE
1 וַיַּעַן־יְהוָה אֶת־אִיֹּוב [מִן כ] [הַסְּעָרָה כ] (מִן ׀ ק) (הַסְּעָרָה ק) וַיֹּאמַר	1 ויען יהוה את איוב מן הסערה ויאמר
2 מִי זֶה ׀ מַחְשִׁיךְ עֵצָה בְמִלִּין בְּלִי־דָעַת	2 מי זה מחשיך עצה במלין בלי דעת
3 אֱזָר־נָא כְגֶבֶר חֲלָצֶיךָ וְאֶשְׁאָלְךָ וְהֹודִיעֵנִי	3 אזר נא כגבר חלציך ואשאלך והודיעני
4 אֵיפֹה הָיִיתָ בְּיָסְדִי־אָרֶץ הַגֵּד אִם־יָדַעְתָּ בִינָה	4 איפה היית ביסדי ארץ הגד אם ידעת בינה
5 מִי־שָׂם מְמַדֶּיהָ כִּי תֵדָע אֹו מִי־נָטָה עָלֶיהָ קָּו	5 מי שם ממדיה כי תדע או מי נטה עליה קו
6 עַל־מָה אֲדָנֶיהָ הָטְבָּעוּ אֹו מִי־יָרָה אֶבֶן פִּנָּתָהּ	6 על מה אדניה הטבעו או מי ירה אבן פנתה
7 בְּרָן־יַחַד כֹּוכְבֵי בֹקֶר וַיָּרִיעוּ כָּל־בְּנֵי אֱלֹהִים	7 ברן יחד כוכבי בקר ויריעו כל בני אלהים
8 וַיָּסֶךְ בִּדְלָתַיִם יָם בְּגִיחֹו מֵרֶחֶם יֵצֵא	8 ויסך בדלתים ים בגיחו מרחם יצא
9 בְּשׂוּמִי עָנָן לְבֻשֹׁו וַעֲרָפֶל חֲתֻלָּתֹו	9 בשומי ענן לבשו וערפל חתלתו
10 וָאֶשְׁבֹּר עָלָיו חֻקִּי וָאָשִׂים בְּרִיחַ וּדְלָתָיִם	10 ואשבר עליו חקי ואשים בריח ודלתים
11 וָאֹמַר עַד־פֹּה תָבֹוא וְלֹא תֹסִיף וּפֹא־יָשִׁית בִּגְאֹון גַּלֶּיךָ	11 ואמר עד פה תבוא ולא תסיף ופא ישית בגאון גליך
12 הְמִיָּמֶיךָ צִוִּיתָ בֹּקֶר [יִדַּעְתָּה כ] [שַׁחַר כ] (יִדַּעְתָּ ק) (הַשַּׁחַר ק) מְקֹמֹו	12 המימיך צוית בקר ידעתה שחר מקמו
13 לֶאֱחֹז בְּכַנְפֹות הָאָרֶץ וְיִנָּעֲרוּ רְשָׁעִים מִמֶּנָּה	13 לאחז בכנפות הארץ וינערו רשעים ממנה
14 תִּתְהַפֵּךְ כְּחֹמֶר חֹותָם וְיִתְיַצְּבוּ כְּמֹו לְבוּשׁ	14 תתהפך כחמר חותם ויתיצבו כמו לבוש
15 וְיִמָּנַע מֵרְשָׁעִים אֹורָם וּזְרֹועַ רָמָה תִּשָּׁבֵר	15 וימנע מרשעים אורם וזרוע רמה תשבר
16 הֲבָאתָ עַד־נִבְכֵי־יָם וּבְחֵקֶר תְּהֹום הִתְהַלָּכְתָּ	16 הבאת עד נבכי ים ובחקר תהום התהלכת
17 הֲנִגְלוּ לְךָ שַׁעֲרֵי־מָוֶת וְשַׁעֲרֵי צַלְמָוֶת תִּרְאֶה	17 הנגלו לך שערי מות ושערי צלמות תראה
18 הִתְבֹּנַנְתָּ עַד־רַחֲבֵי־אָרֶץ הַגֵּד אִם־יָדַעְתָּ כֻלָּהּ	18 התבננת עד רחבי ארץ הגד אם ידעת כלה
19 אֵי־זֶה הַדֶּרֶךְ יִשְׁכָּן־אֹור וְחֹשֶׁךְ אֵי־זֶה מְקֹמֹו	19 אי זה הדרך ישכן אור וחשך אי זה מקמו
20 כִּי תִקָּחֶנּוּ אֶל־גְּבוּלֹו וְכִי־תָבִין נְתִיבֹות בֵּיתֹו	20 כי תקחנו אל גבולו וכי תבין נתיבות ביתו
21 יָדַעְתָּ כִּי־אָז תִּוָּלֵד וּמִסְפַּר יָמֶיךָ רַבִּים	21 ידעת כי אז תולד ומספר ימיך רבים
22 הֲבָאתָ אֶל־אֹצְרֹות שָׁלֶג וְאֹצְרֹות בָּרָד תִּרְאֶה	22 הבאת אל אצרות שלג ואצרות ברד תראה
23 אֲשֶׁר־חָשַׂכְתִּי לְעֶת־צָר לְיֹום קְרָב וּמִלְחָמָה	23 אשר חשכתי לעת צר ליום קרב ומלחמה
24 אֵי־זֶה הַדֶּרֶךְ יֵחָלֶק אֹור יָפֵץ קָדִים עֲלֵי־אָרֶץ	24 אי זה הדרך יחלק אור יפץ קדים עלי ארץ
25 מִי־פִלַּג לַשֶּׁטֶף תְּעָלָה וְדֶרֶךְ לַחֲזִיז קֹלֹות	25 מי פלג לשטף תעלה ודרך לחזיז קלות
26 לְהַמְטִיר עַל־אֶרֶץ לֹא־אִישׁ מִדְבָּר לֹא־אָדָם בֹּו	26 להמטיר על ארץ לא איש מדבר לא אדם בו
27 לְהַשְׂבִּיעַ שֹׁאָה וּמְשֹׁאָה וּלְהַצְמִיחַ מֹצָא דֶשֶׁא	27 להשביע שאה ומשאה ולהצמיח מצא דשא
28 הֲיֵשׁ־לַמָּטָר אָב אֹו מִי־הֹולִיד אֶגְלֵי־טָל	28 היש למטר אב או מי הוליד אגלי טל
29 מִבֶּטֶן מִי יָצָא הַקָּרַח וּכְפֹר מַיִם מִי יְלָדֹו	29 מבטן מי יצא הקרח וכפר שמים מי ילדו
30 כָּאֶבֶן מַיִם יִתְחַבָּאוּ וּפְנֵי תְהֹום יִתְלַכָּדוּ	30 כאבן מים יתחבאו ופני תהום יתלכדו
31 הַתְקַשֵּׁר מַעֲדַנֹּות כִּימָה אֹו־מֹשְׁכֹות כְּסִיל תְּפַתֵּחַ	31 התקשר מעדנות כימה או משכות כסיל תפתח
32 הֲתֹצִיא מַזָּרֹות בְּעִתֹּו וְעַיִשׁ עַל־בָּנֶיהָ תַנְחֵם	32 התציא מזרות בעתו ועיש על בניה תנחם
33 הֲיָדַעְתָּ חֻקֹּות שָׁמָיִם אִם־תָּשִׂים מִשְׁטָרֹו בָאָרֶץ	33 הידעת חקות שמים אם תשים משטרו בארץ
34 הֲתָרִים לָעָב קֹולֶךָ וְשִׁפְעַת־מַיִם תְּכַסֶּךָּ	34 התרים לעב קולך ושפעת מים תכסך
35 הַתְשַׁלַּח בְּרָקִים וְיֵלֵכוּ וְיֹאמְרוּ לְךָ הִנֵּנוּ	35 התשלח ברקים וילכו ויאמרו לך הננו
36 מִישָׁ־ת בַּטֻּחֹות חָכְמָה אֹו מִי־נָתַן לַשֶּׂכְוִי בִינָה	36 מי שת בטחות חכמה או מי נתן לשכוי בינה
37 מִי־יְסַפֵּר שְׁחָקִים בְּחָכְמָה וְנִבְלֵי מַיִם מִי יַשְׁכִּיב	37 מי יספר שחקים בחכמה ונבלי שמים מי ישכיב
38 בְּצֶקֶת עָפָר לַמּוּצָק וּרְגָבִים יְדֻבָּקוּ	38 בצקת עפר למוצק ורגבים ידבקו
39 הֲתָצוּד לְלָבִיא טָרֶף וְחַיַּת כְּפִירִים תְּמַלֵּא	39 התצוד ללביא טרף וחית כפירים תמלא
40 כִּי־יָשֹׁחוּ בַמְּעֹונֹות יֵשְׁבוּ בַסֻּכָּה לְמֹו־אָרֶב	40 כי ישחו במעונות ישבו בסכה למו ארב
41 מִי יָכִין לָעֹרֵב צֵידֹו כִּי־ [יְלָדֹו כ] (יְלָדָיו ק) אֶל־אֵל יְשַׁוֵּעוּ יִתְעוּ לִבְלִי־אֹכֶל	41 מי יכין לערב צידו כי ילדו אל אל ישועו יתעו לבלי אכל