SCRUTATIO

Lunedi, 7 luglio 2025 - Sant´Edda ( Letture di oggi)

Jó 28

font
NOVA VULGATAVULGATA
1 Habet argentum venarum principia
et auro locus est, in quo conflatur.
1 Habet argentum venarum suarum principia,
et auro locus est in quo conflatur.
2 Ferrum de terra tollitur,
et lapis solutus calore in aes vertitur.
2 Ferrum de terra tollitur,
et lapis solutus calore in æs vertitur.
3 Terminum posuit tenebris
et universorum finem ipse scrutatur,
lapidem quoque caliginis et umbrae.
3 Tempus posuit tenebris,
et universorum finem ipse considerat :
lapidem quoque caliginis et umbram mortis.
4 Aperuit cuniculos gens peregrina,
ipsique obliti sunt pedes,
penduli haerent plus quam vir nutans.
4 Dividit torrens a populo peregrinante
eos quos oblitus est pes egentis hominis, et invios.
5 Terra, de qua oriebatur panis,
in profundo subversa est sicut per ignem.
5 Terra de qua oriebatur panis,
in loco suo igni subversa est.
6 Locus sapphiri lapides eius,
et glebae illius aurum.
6 Locus sapphiri lapides ejus,
et glebæ illius aurum.
7 Semitam ignoravit avis rapax,
nec intuitus est eam oculus vulturis.
7 Semitam ignoravit avis,
nec intuitus est eam oculus vulturis.
8 Non calcaverunt eam filii superbiae,
nec pertransivit per eam leaena.
8 Non calcaverunt eam filii institorum,
nec pertransivit per eam leæna.
9 Ad silicem extendit manum suam,
subvertit a radicibus montes.
9 Ad silicem extendit manum suam :
subvertit a radicibus montes.
10 In petris canales excidit,
et omne pretiosum vidit oculus eius.
10 In petris rivos excidit,
et omne pretiosum vidit oculus ejus.
11 Profunda quoque fluviorum scrutatus est
et abscondita in lucem produxit.
11 Profunda quoque fluviorum scrutatus est,
et abscondita in lucem produxit.
12 Sapientia vero ubi invenitur?
Et quis est locus intellegentiae?
12 Sapientia vero ubi invenitur ?
et quis est locus intelligentiæ ?
13 Nescit homo structuram eius,
nec invenitur in terra viventium.
13 Nescit homo pretium ejus,
nec invenitur in terra suaviter viventium.
14 Abyssus dicit: “Non est in me”;
et mare loquitur: “Non est mecum”.
14 Abyssus dicit : Non est in me,
et mare loquitur : Non est mecum.
15 Non dabitur aurum obryzum pro ea,
nec appendetur argentum in commutatione eius.
15 Non dabitur aurum obrizum pro ea,
nec appendetur argentum in commutatione ejus.
16 Non appendetur auro Ophir
nec lapidi sardonycho pretiosissimo vel sapphiro.
16 Non conferetur tinctis Indiæ coloribus,
nec lapidi sardonycho pretiosissimo vel sapphiro.
17 Non adaequabitur ei aurum vel vitrum,
nec commutabuntur pro ea vasa auri.
17 Non adæquabitur ei aurum vel vitrum,
nec commutabuntur pro ea vasa auri.
18 Corallia et crystallum non memorabuntur comparatione eius;
et possessio sapientiae potior margaritis.
18 Excelsa et eminentia non memorabuntur comparatione ejus :
trahitur autem sapientia de occultis.
19 Non adaequabitur ei topazius de Aethiopia
nec auro mundissimo componetur.
19 Non adæquabitur ei topazius de Æthiopia,
nec tincturæ mundissimæ componetur.
20 Unde ergo sapientia venit,
et quis est locus intellegentiae?
20 Unde ergo sapientia venit ?
et quis est locus intelligentiæ ?
21 Abscondita est ab oculis omnium viventium,
volucres quoque caeli latet.
21 Abscondita est ab oculis omnium viventium :
volucres quoque cæli latet.
22 Perditio et mors dixerunt:
“Auribus nostris audivimus famam eius”.
22 Perditio et mors dixerunt :
Auribus nostris audivimus famam ejus.
23 Deus intellegit viam eius,
et ipse novit locum illius.
23 Deus intelligit viam ejus,
et ipse novit locum illius.
24 Ipse enim fines mundi intuetur
et omnia, quae sub caelo sunt, respicit.
24 Ipse enim fines mundi intuetur,
et omnia quæ sub cælo sunt respicit.
25 Qui fecit ventis pondus
et aquas appendit in mensura,
25 Qui fecit ventis pondus,
et aquas appendit in mensura.
26 quando ponebat pluviis legem
et viam procellis sonantibus,
26 Quando ponebat pluviis legem,
et viam procellis sonantibus :
27 tunc vidit illam et enarravit
et praeparavit et investigavit.
27 tunc vidit illam et enarravit,
et præparavit, et investigavit.
28 Et dixit homini: “Ecce timor Domini, ipsa est sapientia;
et recedere a malo intellegentia” ”.
28 Et dixit homini : Ecce timor Domini, ipsa est sapientia ;
et recedere a malo, intelligentia.