Proverbia 15
12345678910111213141516171819202122232425262728293031
Gen
Ex
Lv
Nm
Deut
Ios
Iudc
Ruth
1 Re
2 Re
3 Re
4 Re
1 Par
2 Par
Esd
Neh
Tob
Iudt
Esth
1 Mach
2 Mach
Iob
Ps
Prov
Eccle
Cant
Sap
Eccli
Isa
Ier
Lam
Bar
Ez
Dan
Os
Ioel
Am
Abd
Ion
Mi
Nah
Hab
Soph
Agg
Zach
Mal
Mt
Mc
Lc
Io
Act
Rom
1Cor
2Cor
Gal
Eph
Phil
Col
1 Thess
2 Thess
1 Tim
2 Tim
Tit
Philem
Hebr
Iac
1 Pt
2 Pt
1 Io
2 Io
3 Io
Iud
Apoc
Confronta con un'altra Bibbia
Cambia Bibbia
VULGATA | NOVA VULGATA |
---|---|
1 Responsio mollis frangit iram ; sermo durus suscitat furorem. | 1 Responsio mollis frangit iram, sermo durus suscitat furorem. |
2 Lingua sapientium ornat scientiam ; os fatuorum ebullit stultitiam. | 2 Lingua sapientium stillat scientiam, os fatuorum ebullit stultitiam. |
3 In omni loco, oculi Domini contemplantur bonos et malos. | 3 In omni loco oculi Domini contemplantur malos et bonos. |
4 Lingua placabilis lignum vitæ ; quæ autem immoderata est conteret spiritum. | 4 Lingua placabilis lignum vitae, sed obliquitas in ea conteret spiritum. |
5 Stultus irridet disciplinam patris sui ; qui autem custodit increpationes astutior fiet. In abundanti justitia virtus maxima est : cogitationes autem impiorum eradicabuntur. | 5 Stultus irridet disciplinam patris sui; qui autem custodit increpationes, astutior fiet. |
6 Domus justi plurima fortitudo, et in fructibus impii conturbatio. | 6 In domo iusti divitiae plurimae, et in fructibus impii conturbatio. |
7 Labia sapientium disseminabunt scientiam ; cor stultorum dissimile erit. | 7 Labia sapientium disseminabunt scientiam; cor stultorum non rectum erit. |
8 Victimæ impiorum abominabiles Domino ; vota justorum placabilia. | 8 Victimae impiorum abominabiles Domino; vota iustorum grata sunt ei. |
9 Abominatio est Domino via impii ; qui sequitur justitiam diligitur ab eo. | 9 Abominatio est Domino via impii; qui sequitur iustitiam, diligetur. |
10 Doctrina mala deserenti viam vitæ ; qui increpationes odit, morietur. | 10 Admonitio mala deserenti viam; qui increpationes odit, morietur. |
11 Infernus et perditio coram Domino ; quanto magis corda filiorum hominum ! | 11 Infernus et Perditio coram Domino, quanto magis corda filiorum hominum! |
12 Non amat pestilens eum qui se corripit, nec ad sapientes graditur. | 12 Non amat derisor eum, qui se corripit, nec ad sapientes graditur. |
13 Cor gaudens exhilarat faciem ; in mœrore animi dejicitur spiritus. | 13 Cor gaudens exhilarat faciem, in maerore animi deicitur spiritus. |
14 Cor sapientis quærit doctrinam, et os stultorum pascitur imperitia. | 14 Cor sapientis quaerit doctrinam, et os stultorum pascitur stultitia. |
15 Omnes dies pauperis, mali ; secura mens quasi juge convivium. | 15 Omnes dies pauperis mali; hilaris autem corde quasi iuge convivium. |
16 Melius est parum cum timore Domini, quam thesauri magni et insatiabiles. | 16 Melius est parum cum timore Domini quam thesauri magni cum sollicitudine. |
17 Melius est vocari ad olera cum caritate, quam ad vitulum saginatum cum odio. | 17 Melius est demensum holerum cum caritate quam vitulus saginatus cum odio. |
18 Vir iracundus provocat rixas ; qui patiens est mitigat suscitatas. | 18 Vir iracundus provocat rixas; qui patiens est, mitigat lites. |
19 Iter pigrorum quasi sepes spinarum ; via justorum absque offendiculo. | 19 Iter pigrorum quasi saepes spinarum, via sollertium complanata. |
20 Filius sapiens lætificat patrem, et stultus homo despicit matrem suam. | 20 Filius sapiens laetificat patrem, et stultus homo despicit matrem suam. |
21 Stultitia gaudium stulto, et vir prudens dirigit gressus suos. | 21 Stultitia gaudium sensu carenti; et vir prudens dirigit gressus suos. |
22 Dissipantur cogitationes ubi non est consilium ; ubi vero sunt plures consiliarii, confirmantur. | 22 Dissipantur cogitationes, ubi non est consilium; ubi vero sunt plures consiliarii, confirmantur. |
23 Lætatur homo in sententia oris sui, et sermo opportunus est optimus. | 23 Laetatur homo in responsione oris sui, et sermo opportunus est optimus. |
24 Semita vitæ super eruditum, ut declinet de inferno novissimo. | 24 Semita vitae sursum est viro erudito, ut declinet de inferno deorsum. |
25 Domum superborum demolietur Dominus, et firmos faciet terminos viduæ. | 25 Domum superborum demolietur Dominus et firmos faciet terminos viduae. |
26 Abominatio Domini cogitationes malæ, et purus sermo pulcherrimus firmabitur ab eo. | 26 Abominatio Domini cogitationes malae, et purus sermo pulcherrimus. |
27 Conturbat domum suam qui sectatur avaritiam ; qui autem odit munera, vivet. Per misericordiam et fidem purgantur peccata : per timorem autem Domini declinat omnis a malo. | 27 Conturbat domum suam, qui sectatur avaritiam; qui autem odit munera, vivet. |
28 Mens justi meditatur obedientiam ; os impiorum redundat malis. | 28 Mens iusti meditatur, ut respondeat; os impiorum redundat malis. |
29 Longe est Dominus ab impiis, et orationes justorum exaudiet. | 29 Longe est Dominus ab impiis et orationes iustorum exaudiet. |
30 Lux oculorum lætificat animam ; fama bona impinguat ossa. | 30 Lux oculorum laetificat animam, fama bona impinguat ossa. |
31 Auris quæ audit increpationes vitæ in medio sapientium commorabitur. | 31 Auris, quae audit increpationes vitae, in medio sapientium commorabitur. |
32 Qui abjicit disciplinam despicit animam suam ; qui autem acquiescit increpationibus possessor est cordis. | 32 Qui abicit disciplinam, despicit animam suam; qui autem acquiescit increpationibus, possessor est cordis. |
33 Timor Domini disciplina sapientiæ, et gloriam præcedit humilitas. | 33 Timor Domini disciplina sapientiae, et gloriam praecedit humilitas. |