Jó 34
123456789101112131415161718192021222324252627282930313233343536373839404142
Gen
Ex
Lv
Nm
Deut
Ios
Iudc
Ruth
1 Re
2 Re
3 Re
4 Re
1 Par
2 Par
Esd
Neh
Tob
Iudt
Esth
1 Mach
2 Mach
Iob
Ps
Prov
Eccle
Cant
Sap
Eccli
Isa
Ier
Lam
Bar
Ez
Dan
Os
Ioel
Am
Abd
Ion
Mi
Nah
Hab
Soph
Agg
Zach
Mal
Mt
Mc
Lc
Io
Act
Rom
1Cor
2Cor
Gal
Eph
Phil
Col
1 Thess
2 Thess
1 Tim
2 Tim
Tit
Philem
Hebr
Iac
1 Pt
2 Pt
1 Io
2 Io
3 Io
Iud
Apoc
Confronta con un'altra Bibbia
Cambia Bibbia
VULGATA | NOVA VULGATA |
---|---|
1 Pronuntians itaque Eliu, etiam hæc locutus est : | 1 Pronuntians itaque Eliu etiam haec locutus est: |
2 Audite, sapientes, verba mea : et eruditi, auscultate me. | 2 “ Audite, sapientes, verba mea; et eruditi, auscultate me. |
3 Auris enim verba probat, et guttur escas gustu dijudicat. | 3 Auris enim verba probat, et guttur escas gustu diiudicat. |
4 Judicium eligamus nobis, et inter nos videamus quid sit melius. | 4 Iudicium eligamus nobis et inter nos videamus quid sit melius. |
5 Quia dixit Job : Justus sum, et Deus subvertit judicium meum. | 5 Quia dixit Iob: “Iustus sum, et Deus avertit iudicium meum; |
6 In judicando enim me mendacium est : violenta sagitta mea absque ullo peccato. | 6 in iudicando enim me mendacium est, violenta sagitta mea absque ullo peccato”. |
7 Quis est vir ut est Job, qui bibit subsannationem quasi aquam : | 7 Quis est vir, ut est Iob, qui bibit subsannationem quasi aquam, |
8 qui graditur cum operantibus iniquitatem, et ambulat cum viris impiis ? | 8 qui graditur una cum operantibus iniquitatem et ambulat cum viris impiis? |
9 Dixit enim : Non placebit vir Deo, etiam si cucurrerit cum eo. | 9 Dixit enim: “Non prodest viro, etiamsi cum Deo familiariter agit”. |
10 Ideo, viri cordati, audite me : absit a Deo impietas, et ab Omnipotente iniquitas. | 10 Ideo, viri cordati, audite me: Absit a Deo impietas, et ab Omnipotente iniquitas. |
11 Opus enim hominis reddet ei, et juxta vias singulorum restituet eis. | 11 Opus enim hominis reddet ei et iuxta vias singulorum restituet eis. |
12 Vere enim Deus non condemnabit frustra, nec Omnipotens subvertet judicium. | 12 Vere enim Deus non operatur malum, nec Omnipotens subvertet iudicium. |
13 Quem constituit alium super terram ? aut quem posuit super orbem quem fabricatus est ? | 13 Quis commisit ei terram suam, aut quis posuit totum orbem? |
14 Si direxerit ad eum cor suum, spiritum illius et flatum ad se trahet. | 14 Si direxerit ad se cor suum, spiritum illius et halitum ad se trahat, |
15 Deficiet omnis caro simul, et homo in cinerem revertetur. | 15 deficiet omnis caro simul, et homo in cinerem revertetur. |
16 Si habes ergo intellectum, audi quod dicitur, et ausculta vocem eloquii mei : | 16 Si habes ergo intellectum, audi hoc et ausculta vocem eloquii mei: |
17 numquid qui non amat judicium sanari potest ? et quomodo tu eum qui justus est in tantum condemnas ? | 17 Numquid, qui non amat iudicium, reget imperio? Num iustum magnum condemnabis, |
18 Qui dicit regi : Apostata ; qui vocat duces impios ; | 18 qui dicet regi: “Nequam!”, qui vocabit duces: “Impios!”, |
19 qui non accipit personas principum, nec cognovit tyrannum cum disceptaret contra pauperem : opus enim manuum ejus sunt universi. | 19 qui non accipit personas principum nec cognovit opulentum, cum disceptaret contra pauperem? Opus enim manuum eius sunt universi. |
20 Subito morientur, et in media nocte turbabuntur populi : et pertransibunt, et auferent violentum absque manu. | 20 Subito morientur; et in media nocte turbabuntur populi et pertransibunt, et auferent violentum absque conatu. |
21 Oculi enim ejus super vias hominum, et omnes gressus eorum considerat. | 21 Oculi enim eius super vias hominum, et omnes gressus eorum considerat. |
22 Non sunt tenebræ, et non est umbra mortis, ut abscondantur ibi qui operantur iniquitatem, | 22 Non sunt tenebrae, et non est umbra mortis, ut abscondantur ibi, qui operantur iniquitatem. |
23 neque enim ultra in hominis potestate est, ut veniat ad Deum in judicium. | 23 Nec enim ultra homini ponit conveniendi locum, ut veniat ad Deum in iudicium. |
24 Conteret multos, et innumerabiles, et stare faciet alios pro eis. | 24 Conteret potentes sine inquisitione et stare faciet alios pro eis. |
25 Novit enim opera eorum, et idcirco inducet noctem, et conterentur. | 25 Novit enim opera eorum et idcirco inducet noctem, et conterentur. |
26 Quasi impios percussit eos in loco videntium : | 26 Quasi impios percussit eos in loco videntium, |
27 qui quasi de industria recesserunt ab eo, et omnes vias ejus intelligere noluerunt : | 27 qui quasi de industria recesserunt ab eo et omnes vias eius intellegere noluerunt, |
28 ut pervenire facerent ad eum clamorem egeni, et audiret vocem pauperum. | 28 cum induceret ad se clamorem egeni et audiret vocem pauperum. |
29 Ipso enim concedente pacem, quis est qui condemnet ? ex quo absconderit vultum, quis est qui contempletur eum, et super gentes, et super omnes homines ? | 29 Ipse enim si quieverit, quis est qui condemnet? Et si absconderit vultum, quis est qui contempletur eum, super gentem et super homines simul? |
30 Qui regnare facit hominem hypocritam propter peccata populi. | 30 Ne regnet homo impius, ne sint laquei populo. |
31 Quia ergo ego locutus sum ad Deum, te quoque non prohibebo. | 31 Si enim dixit quispiam Deo: “Ferre debui! Iam non perverse agam. |
32 Si erravi, tu doce me ; si iniquitatem locutus sum, ultra non addam. | 32 Dum videam, tu doce me; si iniquitatem operatus sum, ultra non addam”. |
33 Numquid a te Deus expetit eam, quia displicuit tibi ? tu enim cœpisti loqui, et non ego : quod si quid nosti melius, loquere. | 33 Numquid pro te Deus satisfaciet, quia respuisti? Tu enim eliges, et non ego; et si quid nosti melius, loquere. |
34 Viri intelligentes loquantur mihi, et vir sapiens audiat me. | 34 Viri intellegentes loquentur mihi, et vir sapiens, qui audiet me: |
35 Job autem stulte locutus est, et verba illius non sonant disciplinam. | 35 “Iob autem non in sapientia locutus est, et verba illius non sonant disciplinam”. |
36 Pater mi, probetur Job usque ad finem : ne desinas ab homine iniquitatis : | 36 Utique, probetur Iob usque ad finem de responsionibus hominum iniquitatis. |
37 quia addit super peccata sua blasphemiam, inter nos interim constringatur : et tunc ad judicium provocet sermonibus suis Deum. | 37 Quia addit super peccata sua delictum, inter nos plaudit manibus et multiplicat sermones suos contra Deum ”. |