Isaiah (ישעיה) - Isaia 101

STUTTGARTENSIA-DELITZSCH	MODERN HEBREW BIBLE
1 לְדָוִד מִזְמֹור חֶסֶד־וּמִשְׁפָּט אָשִׁירָה לְךָ יְהוָה אֲזַמֵּרָה	1 לדוד מזמור חסד ומשפט אשירה לך יהוה אזמרה
2 אַשְׂכִּילָה ׀ בְּדֶרֶךְ תָּמִים מָתַי תָּבֹוא אֵלָי אֶתְהַלֵּךְ בְּתָם־לְבָבִי בְּקֶרֶב בֵּיתִי	2 אשכילה בדרך תמים מתי תבוא אלי אתהלך בתם לבבי בקרב ביתי
3 לֹא־אָשִׁית ׀ לְנֶגֶד עֵינַי דְּבַר־בְּלִיָּעַל עֲשֹׂה־סֵטִים שָׂנֵאתִי לֹא יִדְבַּק בִּי	3 לא אשית לנגד עיני דבר בליעל עשה סטים שנאתי לא ידבק בי
4 לֵבָב עִקֵּשׁ יָסוּר מִמֶּנִּי רָע לֹא אֵדָע	4 לבב עקש יסור ממני רע לא אדע
5 [מְלֹושְׁנִי כ] (מְלָשְׁנִי ק) בַסֵּתֶר ׀ רֵעֵהוּ אֹותֹו אַצְמִית גְּבַהּ־עֵינַיִם וּרְחַב לֵבָב אֹתֹו לֹא אוּכָל	5 מלושני בסתר רעהו אותו אצמית גבה עינים ורחב לבב אתו לא אוכל
6 עֵינַי ׀ בְּנֶאֶמְנֵי־אֶרֶץ לָשֶׁבֶת עִמָּדִי הֹלֵךְ בְּדֶרֶךְ תָּמִים הוּא יְשָׁרְתֵנִי	6 עיני בנאמני ארץ לשבת עמדי הלך בדרך תמים הוא ישרתני
7 לֹא־יֵשֵׁב ׀ בְּקֶרֶב בֵּיתִי עֹשֵׂה רְמִיָּה דֹּבֵר שְׁקָרִים לֹא־יִכֹּון לְנֶגֶד עֵינָי	7 לא ישב בקרב ביתי עשה רמיה דבר שקרים לא יכון לנגד עיני
8 לַבְּקָרִים אַצְמִית כָּל־רִשְׁעֵי־אָרֶץ לְהַכְרִית מֵעִיר־יְהוָה כָּל־פֹּעֲלֵי אָוֶן	8 לבקרים אצמית כל רשעי ארץ להכרית מעיר יהוה כל פעלי און