ΨΑΛΜΟΙ ΣΟΛΟΜΩΝΤΟΣ - Salmi di salomone - Psalms of Solomon 9

¹ εν τω απαχθηναι ισραηλ εν αποικεσια εις γην αλλοτριαν εν τω αποστηναι αυτους απο κυριου του λυτρωσαμενου αυτους απερριφησαν απο κληρονομιας ης εδωκεν αυτοις κυριος

² εν παντι εθνει η διασπορα του ισραηλ κατα το ρημα του θεου ινα δικαιωθης ο θεος εν τη δικαιοσυνη σου εν ταις ανομιαις ημων οτι συ κριτης δικαιος επι παντας τους λαους της γης

³ ου γαρ κρυβησεται απο της γνωσεως σου πας ποιων αδικα και αι δικαιοσυναι των οσιων σου ενωπιον σου κυριε και που κρυβησεται ανθρωπος απο της γνωσεως σου ο θεος

⁴ τα εργα ημων εν εκλογη και εξουσια της ψυχης ημων του ποιησαι δικαιοσυνην και αδικιαν εν εργοις χειρων ημων και εν τη δικαιοσυνη σου επισκεπτη υιους ανθρωπων

⁵ ο ποιων δικαιοσυνην θησαυριζει ζωην αυτω παρα κυριω και ο ποιων αδικιαν αυτος αιτιος της ψυχης εν απωλεια τα γαρ κριματα κυριου εν δικαιοσυνη κατ' ανδρα και οικον

⁶ τινι χρηστευση ο θεος ει μη τοις επικαλουμενοις τον κυριον καθαριεις εν αμαρτιαις ψυχην εν εξομολογησει εν εξαγοριαις οτι αισχυνη ημιν και τοις προσωποις ημων περι απαντων

⁷ και τινι αφησεις αμαρτιας ει μη τοις ημαρτηκοσιν δικαιους ευλογησεις και ουκ ευθυνεις περι ων ημαρτοσαν και η χρηστοτης σου επι αμαρτανοντας εν μεταμελεια

⁸ και νυν συ ο θεος και ημεις λαος ον ηγαπησας ιδε και οικτιρησον ο θεος ισραηλ οτι σοι εσμεν και μη αποστησης ελεος σου αφ' ημων ινα μη επιθωνται ημιν

⁹ οτι συ ηρετισω το σπερμα αβρααμ παρα παντα τα εθνη και εθου το ονομα σου εφ' ημας κυριε και ουκ απωση εις τον αιωνα

¹⁰ εν διαθηκη διεθου τοις πατρασιν ημων περι ημων και ημεις ελπιουμεν επι σε εν επιστροφη ψυχης ημων

¹¹ του κυριου η ελεημοσυνη επι οικον ισραηλ εις τον αιωνα και ετι πσσολ εν υμνοις τω σαλωμων