ΨΑΛΜΟΙ ΣΟΛΟΜΩΝΤΟΣ - Salmi di salomone - Psalms of Solomon 8

¹ θλιψιν και φωνην πολεμου ηκουσεν το ους μου φωνην σαλπιγγος ηχουσης σφαγην και ολεθρον

² φωνη λαου πολλου ως ανεμου πολλου σφοδρα ως καταιγις πυρος πολλου φερομενου δι' ερημου

³ και ειπα εν τη καρδια μου που αρα κρινει αυτον ο θεος

⁴ φωνην ηκουσα εις ιερουσαλημ πολιν αγιασματος

⁵ συνετριβη η οσφυς μου απο ακοης παρελυθη γονατα μου εφοβηθη η καρδια μου εταραχθη τα οστα μου ως λινον

⁶ ειπα κατευθυνουσιν οδους αυτων εν δικαιοσυνη

⁷ ανελογισαμην τα κριματα του θεου απο κτισεως ουρανου και γης εδικαιωσα τον θεον εν τοις κριμασιν αυτου τοις απ' αιωνος

⁸ ανεκαλυψεν ο θεος τας αμαρτιας αυτων εναντιον του ηλιου εγνω πασα η γη τα κριματα του θεου τα δικαια

⁹ εν καταγαιοις κρυφιοις αι παρανομιαι αυτων εν παροργισμω υιος μετα μητρος και πατηρ μετα θυγατρος συνεφυροντο

¹⁰ εμοιχωντο εκαστος την γυναικα του πλησιον αυτου συνεθεντο αυτοις συνθηκας μετα ορκου περι τουτων

¹¹ τα αγια του θεου διηρπαζοσαν ως μη οντος κληρονομου λυτρουμενου

¹² επατουσαν το θυσιαστηριον κυριου απο πασης ακαθαρσιας και εν αφεδρω αιματος εμιαναν τας θυσιας ως κρεα βεβηλα

¹³ ου παρελιπον αμαρτιαν ην ουκ εποιησαν υπερ τα εθνη

¹⁴ δια τουτο εκερασεν αυτοις ο θεος πνευμα πλανησεως εποτισεν αυτους ποτηριον οινου ακρατου εις μεθην

¹⁵ ηγαγεν τον απ' εσχατου της γης τον παιοντα κραταιως εκρινεν τον πολεμον επι ιερουσαλημ και την γην αυτης

¹⁶ απηντησαν αυτω οι αρχοντες της γης μετα χαρας ειπαν αυτω επευκτη η οδος σου δευτε εισελθατε μετ' ειρηνης

¹⁷ ωμαλισαν οδους τραχειας απο εισοδου αυτου ηνοιξαν πυλας επι ιερουσαλημ εστεφανωσαν τειχη αυτης

¹⁸ εισηλθεν ως πατηρ εις οικον υιων αυτου μετ' ειρηνης εστησεν τους ποδας αυτου μετα ασφαλειας πολλης

¹⁹ κατελαβετο τας πυργοβαρεις αυτης και το τειχος ιερουσαλημ οτι ο θεος ηγαγεν αυτον μετα ασφαλειας εν τη πλανησει αυτων

²⁰ απωλεσεν αρχοντας αυτων και παν σοφον εν βουλη εξεχεεν το αιμα των οικουντων ιερουσαλημ ως υδωρ ακαθαρσιας

²¹ απηγαγεν τους υιους και τας θυγατερας αυτων α εγεννησαν εν βεβηλωσει

²² εποιησαν κατα τας ακαθαρσιας αυτων καθως οι πατερες αυτων εμιαναν ιερουσαλημ και τα ηγιασμενα τω ονοματι του θεου

²³ εδικαιωθη ο θεος εν τοις κριμασιν αυτου εν τοις εθνεσιν της γης και οι οσιοι του θεου ως αρνια εν ακακια εν μεσω αυτων

²⁴ αινετος κυριος ο κρινων πασαν την γην εν δικαιοσυνη αυτου

²⁵ ιδου δη ο θεος εδειξας ημιν το κριμα σου εν τη δικαιοσυνη σου ειδοσαν οι οφθαλμοι ημων τα κριματα σου ο θεος

²⁶ εδικαιωσαμεν το ονομα σου το εντιμον εις αιωνας οτι συ ο θεος της δικαιοσυνης κρινων τον ισραηλ εν παιδεια

²⁷ επιστρεψον ο θεος το ελεος σου εφ' ημας και οικτιρησον ημας

²⁸ συναγαγε την διασποραν ισραηλ μετα ελεους και χρηστοτητος οτι η πιστις σου μεθ' ημων

²⁹ και ημεις εσκληρυναμεν τον τραχηλον ημων και συ παιδευτης ημων ει

³⁰ μη υπεριδης ημας ο θεος ημων ινα μη καταπιωσιν ημας εθνη ως μη οντος λυτρουμενου

³¹ και συ ο θεος ημων απ' αρχης και επι σε η ελπις ημων κυριε

³² και ημεις ουκ αφεξομεθα σου οτι χρηστα τα κριματα σου εφ' ημας

³³ ημιν και τοις τεκνοις ημων η ευδοκια εις τον αιωνα κυριε σωτηρ ημων ου σαλευθησομεθα ετι τον αιωνα χρονον

³⁴ αινετος κυριος εν τοις κριμασιν αυτου εν στοματι οσιων και ευλογημενος ισραηλ υπο κυριου εις τον αιωνα πσσολ τω σαλωμων εις ελεγχον