ΨΑΛΜΟΙ ΣΟΛΟΜΩΝΤΟΣ - Salmi di salomone - Psalms of Solomon 5

¹ κυριε ο θεος αινεσω τω ονοματι σου εν αγαλλιασει εν μεσω επισταμενων τα κριματα σου τα δικαια

² οτι συ χρηστος και ελεημων η καταφυγη του πτωχου εν τω κεκραγεναι με προς σε μη παρασιωπησης απ' εμου

³ ου γαρ ληψεται τις σκυλα παρα ανδρος δυνατου και τις ληψεται απο παντων ων εποιησας εαν μη συ δως

⁴ οτι ανθρωπος και η μερις αυτου παρα σου εν σταθμω ου προσθησει του πλεονασαι παρα το κριμα σου ο θεος

⁵ εν τω θλιβεσθαι ημας επικαλεσομεθα σε εις βοηθειαν και συ ουκ αποστρεψη την δεησιν ημων οτι συ ο θεος ημων ει

⁶ μη βαρυνης την χειρα σου εφ' ημας ινα μη δι' αναγκην αμαρτωμεν

⁷ και εαν μη επιστρεψης ημας ουκ αφεξομεθα αλλ' επι σε ηξομεν

⁸ εαν γαρ πεινασω προς σε κεκραξομαι ο θεος και συ δωσεις μοι

⁹ τα πετεινα και τους ιχθυας συ τρεφεις εν τω διδοναι σε υετον ερημοις εις ανατολην χλοης

¹⁰ ητοιμασας χορτασματα εν ερημω παντι ζωντι και εαν πεινασωσιν προς σε αρουσιν προσωπον αυτων

¹¹ τους βασιλεις και αρχοντας και λαους συ τρεφεις ο θεος και πτωχου και πενητος η ελπις τις εστιν ει μη συ κυριε

¹² και συ επακουση οτι τις χρηστος και επιεικης αλλ' η συ ευφραναι ψυχην ταπεινου εν τω ανοιξαι χειρα σου εν ελεει

¹³ η χρηστοτης ανθρωπου εν φειδοι και η αυριον και εαν δευτερωση ανευ γογγυσμου και τουτο θαυμασειας

¹⁴ το δε δομα σου πολυ μετα χρηστοτητος και πλουσιον και ου εστιν η ελπις επι σε ου φεισεται εν δοματι

¹⁵ επι πασαν την γην το ελεος σου κυριε εν χρηστοτητι

¹⁶ μακαριος ου μνημονευει ο θεος εν συμμετρια αυταρκειας εαν υπερπλεοναση ο ανθρωπος εξαμαρτανει

¹⁷ ικανον το μετριον εν δικαιοσυνη και εν τουτω η ευλογια κυριου εις πλησμονην εν δικαιοσυνη

¹⁸ ευφρανθειησαν οι φοβουμενοι κυριον εν αγαθοις και η χρηστοτης σου επι ισραηλ εν τη βασιλεια σου

¹⁹ ευλογημενη η δοξα κυριου οτι αυτος βασιλευς ημων πσσολ εν ελπιδι τω σαλωμων