ΨΑΛΜΟΙ ΣΟΛΟΜΩΝΤΟΣ - Salmi di salomone - Psalms of Solomon 4

¹ ινα τι συ βεβηλε καθησαι εν συνεδριω οσιων και η καρδια σου μακραν αφεστηκεν απο του κυριου εν παρανομιαις παροργιζων τον θεον ισραηλ

² περισσος εν λογοις περισσος εν σημειωσει υπερ παντας ο σκληρος εν λογοις κατακριναι αμαρτωλους εν κρισει

³ και η χειρ αυτου εν πρωτοις επ' αυτον ως εν ζηλει και αυτος ενοχος εν ποικιλια αμαρτιων και εν ακρασιαις

⁴ οι οφθαλμοι αυτου επι πασαν γυναικα ανευ διαστολης η γλωσσα αυτου ψευδης εν συναλλαγματι μεθ' ορκου

⁵ εν νυκτι και εν αποκρυφοις αμαρτανει ως ουχ ορωμενος εν οφθαλμοις αυτου λαλει παση γυναικι εν συνταγη κακιας ταχυς εισοδω εις πασαν οικιαν εν ιλαροτητι ως ακακος

⁶ εξαραι ο θεος τους εν υποκρισει ζωντας μετα οσιων εν φθορα σαρκος αυτου και πενια την ζωην αυτου

⁷ ανακαλυψαι ο θεος τα εργα ανθρωπων ανθρωπαρεσκων εν καταγελωτι και μυκτηρισμω τα εργα αυτου

⁸ και δικαιωσαισαν οσιοι το κριμα του θεου αυτων εν τω εξαιρεσθαι αμαρτωλους απο προσωπου δικαιου ανθρωπαρεσκον λαλουντα νομον μετα δολου

⁹ και οι οφθαλμοι αυτων επ' οικον ανδρος εν ευσταθεια ως οφις διαλυσαι σοφιαν αλληλων εν λογοις παρανομων

¹⁰ οι λογοι αυτου παραλογισμοι εις πραξιν επιθυμιας αδικου ουκ απεστη εως ενικησεν σκορπισαι ως εν ορφανια

¹¹ και ηρημωσεν οικον ενεκεν επιθυμιας παρανομου παρελογισατο εν λογοις οτι ουκ εστιν ορων και κρινων

¹² επλησθη εν παρανομια εν ταυτη και οι οφθαλμοι αυτου επ' οικον ετερον ολεθρευσαι εν λογοις αναπτερωσεως

¹³ ουκ εμπιπλαται η ψυχη αυτου ως αδης εν πασι τουτοις

¹⁴ γενοιτο κυριε η μερις αυτου εν ατιμια ενωπιον σου η εξοδος αυτου εν στεναγμοις και η εισοδος αυτου εν αρα

¹⁵ εν οδυναις και πενια και απορια η ζωη αυτου κυριε ο υπνος αυτου εν λυπαις και η εξεγερσις αυτου εν αποριαις

¹⁶ αφαιρεθειη υπνος απο κροταφων αυτου εν νυκτι αποπεσοι απο παντος εργου χειρων αυτου εν ατιμια

¹⁷ κενος χερσιν αυτου εισελθοι εις τον οικον αυτου και ελλιπης ο οικος αυτου απο παντος ου εμπλησει ψυχην αυτου

¹⁸ εν μονωσει ατεκνιας το γηρας αυτου εις αναλημψιν

¹⁹ σκορπισθειησαν σαρκες ανθρωπαρεσκων υπο θηριων και οστα παρανομων κατεναντι του ηλιου εν ατιμια

²⁰ οφθαλμους εκκοψαισαν κορακες υποκρινομενων οτι ηρημωσαν οικους πολλους ανθρωπων εν ατιμια και εσκορπισαν εν επιθυμια

²¹ και ουκ εμνησθησαν θεου και ουκ εφοβηθησαν τον θεον εν απασι τουτοις και παρωργισαν τον θεον και παρωξυναν

²² εξαραι αυτους απο της γης οτι ψυχας ακακων παραλογισμω υπεκρινοντο

²³ μακαριοι οι φοβουμενοι τον κυριον εν ακακια αυτων ο κυριος ρυσεται αυτους απο ανθρωπων δολιων και αμαρτωλων και ρυσεται ημας απο παντος σκανδαλου παρανομου

²⁴ εξαραι ο θεος τους ποιουντας εν υπερηφανια πασαν αδικιαν οτι κριτης μεγας και κραταιος κυριος ο θεος ημων εν δικαιοσυνη

²⁵ γενοιτο κυριε το ελεος σου επι παντας τους αγαπωντας σε πσσολ ψαλμος τω σαλωμων