ΨΑΛΜΟΙ ΣΟΛΟΜΩΝΤΟΣ - Salmi di salomone - Psalms of Solomon 3

¹ ινα τι υπνοις ψυχη και ουκ ευλογεις τον κυριον υμνον καινον ψαλατε τω θεω τω αινετω

² ψαλλε και γρηγορησον επι την γρηγορησιν αυτου οτι αγαθος ψαλμος τω θεω εξ αγαθης καρδιας

³ δικαιοι μνημονευουσιν δια παντος του κυριου εν εξομολογησει και δικαιωσει τα κριματα κυριου

⁴ ουκ ολιγωρησει δικαιος παιδευομενος υπο κυριου η ευδοκια αυτου δια παντος εναντι κυριου

⁵ προσεκοψεν ο δικαιος και εδικαιωσεν τον κυριον επεσεν και αποβλεπει τι ποιησει αυτω ο θεος αποσκοπευει οθεν ηξει σωτηρια αυτου

⁶ αληθεια των δικαιων παρα θεου σωτηρος αυτων ουκ αυλιζεται εν οικω δικαιου αμαρτια εφ' αμαρτιαν

⁷ επισκεπτεται δια παντος τον οικον αυτου ο δικαιος του εξαραι αδικιαν εν παραπτωματι αυτου

⁸ εξιλασατο περι αγνοιας εν νηστεια και ταπεινωσει ψυχης αυτου και ο κυριος καθαριζει παν ανδρα οσιον και τον οικον αυτου

⁹ προσεκοψεν αμαρτωλος και καταραται ζωην αυτου την ημεραν γενεσεως αυτου και ωδινας μητρος

¹⁰ προσεθηκεν αμαρτιας εφ' αμαρτιας τη ζωη αυτου επεσεν οτι πονηρον το πτωμα αυτου και ουκ αναστησεται

¹¹ η απωλεια του αμαρτωλου εις τον αιωνα και ου μνησθησεται οταν επισκεπτηται δικαιους

¹² αυτη η μερις των αμαρτωλων εις τον αιωνα οι δε φοβουμενοι τον κυριον αναστησονται εις ζωην αιωνιον και η ζωη αυτων εν φωτι κυριου και ουκ εκλειψει ετι πσσολ διαλογη του σαλωμων τοις ανθρωπαρεσκοις