ΨΑΛΜΟΙ ΣΟΛΟΜΩΝΤΟΣ - Salmi di salomone - Psalms of Solomon 18

¹ κυριε το ελεος σου επι τα εργα των χειρων σου εις τον αιωνα η χρηστοτης σου μετα δοματος πλουσιου επι ισραηλ

² οι οφθαλμοι σου επιβλεποντες επ' αυτα και ουχ υστερησει εξ αυτων τα ωτα σου επακουει εις δεησιν πτωχου εν ελπιδι

³ τα κριματα σου επι πασαν την γην μετα ελεους και η αγαπη σου επι σπερμα αβρααμ υιους ισραηλ

⁴ η παιδεια σου εφ' ημας ως υιον πρωτοτοκον μονογενη αποστρεψαι ψυχην ευηκοον απο αμαθιας εν αγνοια

⁵ καθαρισαι ο θεος ισραηλ εις ημεραν ελεους εν ευλογια εις ημεραν εκλογης εν αναξει χριστου αυτου

⁶ μακαριοι οι γενομενοι εν ταις ημεραις εκειναις ιδειν τα αγαθα κυριου α ποιησει γενεα τη ερχομενη

⁷ υπο ραβδον παιδειας χριστου κυριου εν φοβω θεου αυτου εν σοφια πνευματος και δικαιοσυνης και ισχυος

⁸ κατευθυναι ανδρα εν εργοις δικαιοσυνης φοβω θεου καταστησαι παντας αυτους ενωπιον κυριου

⁹ γενεα αγαθη εν φοβω θεου εν ημεραις ελεους διαψαλμα

¹⁰ μεγας ημων ο θεος και ενδοξος εν υψιστοις κατοικων ο διαταξας εν πορεια φωστηρας εις καιρους ωρων αφ' ημερων εις ημερας και ου παρεβησαν απο οδου ης ενετειλω αυτοις

¹¹ εν φοβω θεου η οδος αυτων καθ' εκαστην ημεραν αφ' ης ημερας εκτισεν αυτους ο θεος και εως αιωνος

¹² και ουκ επλανηθησαν αφ' ης ημερας εκτισεν αυτους απο γενεων αρχαιων ουκ απεστησαν οδων αυτων ει μη ο θεος ενετειλατο αυτοις εν επιταγη δουλων αυτου .

¹³ ωδη μωυσεως εν τη εξοδω