ΨΑΛΜΟΙ ΣΟΛΟΜΩΝΤΟΣ - Salmi di salomone - Psalms of Solomon 16

¹ εν τω νυσταξαι ψυχην μου απο κυριου παρα μικρον ωλισθησα εν καταφορα υπνουντων μακραν απο θεου

² παρ' ολιγον εξεχυθη η ψυχη μου εις θανατον συνεγγυς πυλων αδου μετα αμαρτωλου

³ εν τω διενεχθηναι ψυχην μου απο κυριου θεου ισραηλ ει μη ο κυριος αντελαβετο μου τω ελεει αυτου εις τον αιωνα

⁴ ενυξεν με ως κεντρον ιππου επι την γρηγορησιν αυτου ο σωτηρ και αντιληπτωρ μου εν παντι καιρω εσωσεν με

⁵ εξομολογησομαι σοι ο θεος οτι αντελαβου μου εις σωτηριαν και ουκ ελογισω με μετα των αμαρτωλων εις απωλειαν

⁶ μη αποστησης το ελεος σου απ' εμου ο θεος μηδε την μνημην σου απο καρδιας μου εως θανατου

⁷ επικρατησον μου ο θεος απο αμαρτιας πονηρας και απο πασης γυναικος πονηρας σκανδαλιζουσης αφρονα

⁸ και μη απατησατω με καλλος γυναικος παρανομουσης και παντος υποκειμενου απο αμαρτιας ανωφελους

⁹ τα εργα των χειρων μου κατευθυνον εν τοπω σου και τα διαβηματα μου εν τη μνημη σου διαφυλαξον

¹⁰ την γλωσσαν μου και τα χειλη μου εν λογοις αληθειας περιστειλον οργην και θυμον αλογον μακραν ποιησον απ' εμου

¹¹ γογγυσμον και ολιγοψυχιαν εν θλιψει μακρυνον απ' εμου εαν αμαρτησω εν τω σε παιδευειν εις επιστροφην

¹² ευδοκια δε μετα ιλαροτητος στηρισον την ψυχην μου εν τω ενισχυσαι σε την ψυχην μου αρκεσει μοι το δοθεν

¹³ οτι εαν μη συ ενισχυσης τις υφεξεται παιδειαν εν πενια

¹⁴ εν τω ελεγχεσθαι ψυχην εν χειρι σαπριας αυτου η δοκιμασια σου εν σαρκι αυτου και εν θλιψει πενιας

¹⁵ εν τω υπομειναι δικαιον εν τουτοις ελεηθησεται υπο κυριου πσσολ ψαλμος τω σαλωμων μετα ωδης τω βασιλει