ΠΑΡΟΙΜΙΑΙ - Proverbi - Proverbs 21

¹ ωσπερ ορμη υδατος ουτως καρδια βασιλεως εν χειρι θεου ου εαν θελων νευση εκει εκλινεν αυτην

² πας ανηρ φαινεται εαυτω δικαιος κατευθυνει δε καρδιας κυριος

³ ποιειν δικαια και αληθευειν αρεστα παρα θεω μαλλον η θυσιων αιμα

⁴ μεγαλοφρων εφ' υβρει θρασυκαρδιος λαμπτηρ δε ασεβων αμαρτια

⁵ -

⁶ ο ενεργων θησαυρισματα γλωσση ψευδει ματαια διωκει επι παγιδας θανατου

⁷ ολεθρος ασεβεσιν επιξενωθησεται ου γαρ βουλονται πρασσειν τα δικαια

⁸ προς τους σκολιους σκολιας οδους αποστελλει ο θεος αγνα γαρ και ορθα τα εργα αυτου

⁹ κρεισσον οικειν επι γωνιας υπαιθρου η εν κεκονιαμενοις μετα αδικιας και εν οικω κοινω

¹⁰ ψυχη ασεβους ουκ ελεηθησεται υπ' ουδενος των ανθρωπων

¹¹ ζημιουμενου ακολαστου πανουργοτερος γινεται ο ακακος συνιων δε σοφος δεξεται γνωσιν

¹² συνιει δικαιος καρδιας ασεβων και φαυλιζει ασεβεις εν κακοις

¹³ ος φρασσει τα ωτα του μη επακουσαι ασθενους και αυτος επικαλεσεται και ουκ εσται ο εισακουων

¹⁴ δοσις λαθριος ανατρεπει οργας δωρων δε ο φειδομενος θυμον εγειρει ισχυρον

¹⁵ ευφροσυνη δικαιων ποιειν κριμα οσιος δε ακαθαρτος παρα κακουργοις

¹⁶ ανηρ πλανωμενος εξ οδου δικαιοσυνης εν συναγωγη γιγαντων αναπαυσεται

¹⁷ ανηρ ενδεης αγαπα ευφροσυνην φιλων οινον και ελαιον εις πλουτον

¹⁸ περικαθαρμα δε δικαιου ανομος

¹⁹ κρεισσον οικειν εν γη ερημω η μετα γυναικος μαχιμου και γλωσσωδους και οργιλου

²⁰ θησαυρος επιθυμητος αναπαυσεται επι στοματος σοφου αφρονες δε ανδρες καταπιονται αυτον

²¹ οδος δικαιοσυνης και ελεημοσυνης ευρησει ζωην και δοξαν

²² πολεις οχυρας επεβη σοφος και καθειλεν το οχυρωμα εφ' ω επεποιθεισαν οι ασεβεις

²³ ος φυλασσει το στομα αυτου και την γλωσσαν διατηρει εκ θλιψεως την ψυχην αυτου

²⁴ θρασυς και αυθαδης και αλαζων λοιμος καλειται ος δε μνησικακει παρανομος

²⁵ επιθυμιαι οκνηρον αποκτεινουσιν ου γαρ προαιρουνται αι χειρες αυτου ποιειν τι

²⁶ ασεβης επιθυμει ολην την ημεραν επιθυμιας κακας ο δε δικαιος ελεα και οικτιρει αφειδως

²⁷ θυσιαι ασεβων βδελυγμα κυριω και γαρ παρανομως προσφερουσιν αυτας

²⁸ μαρτυς ψευδης απολειται ανηρ δε υπηκοος φυλασσομενος λαλησει

²⁹ ασεβης ανηρ αναιδως υφισταται προσωπω ο δε ευθης αυτος συνιει τας οδους αυτου

³⁰ ουκ εστιν σοφια ουκ εστιν ανδρεια ουκ εστιν βουλη προς τον ασεβη

³¹ ιππος ετοιμαζεται εις ημεραν πολεμου παρα δε κυριου η βοηθεια