ΨΑΛΜΟΙ - Salmi - Psalms 74

¹ εις το τελος μη διαφθειρης ψαλμος τω ασαφ ωδης

² εξομολογησομεθα σοι ο θεος εξομολογησομεθα και επικαλεσομεθα το ονομα σου

³ διηγησομαι παντα τα θαυμασια σου οταν λαβω καιρον εγω ευθυτητας κρινω

⁴ ετακη η γη και παντες οι κατοικουντες εν αυτη εγω εστερεωσα τους στυλους αυτης διαψαλμα

⁵ ειπα τοις παρανομουσιν μη παρανομειτε και τοις αμαρτανουσιν μη υψουτε κερας

⁶ μη επαιρετε εις υψος το κερας υμων μη λαλειτε κατα του θεου αδικιαν

⁷ οτι ουτε απο εξοδων ουτε απο δυσμων ουτε απο ερημων ορεων

⁸ οτι ο θεος κριτης εστιν τουτον ταπεινοι και τουτον υψοι

⁹ οτι ποτηριον εν χειρι κυριου οινου ακρατου πληρες κερασματος και εκλινεν εκ τουτου εις τουτο πλην ο τρυγιας αυτου ουκ εξεκενωθη πιονται παντες οι αμαρτωλοι της γης

¹⁰ εγω δε αγαλλιασομαι εις τον αιωνα ψαλω τω θεω ιακωβ

¹¹ και παντα τα κερατα των αμαρτωλων συγκλασω και υψωθησεται τα κερατα του δικαιου