ΙΩΒ - Giobbe - Job 8

¹ υπολαβων δε βαλδαδ ο σαυχιτης λεγει

² μεχρι τινος λαλησεις ταυτα πνευμα πολυρημον του στοματος σου

³ μη ο κυριος αδικησει κρινων η ο τα παντα ποιησας ταραξει το δικαιον

⁴ ει οι υιοι σου ημαρτον εναντιον αυτου απεστειλεν εν χειρι ανομιας αυτων

⁵ συ δε ορθριζε προς κυριον παντοκρατορα δεομενος

⁶ ει καθαρος ει και αληθινος δεησεως επακουσεται σου αποκαταστησει δε σοι διαιταν δικαιοσυνης

⁷ εσται ουν τα μεν πρωτα σου ολιγα τα δε εσχατα σου αμυθητα

⁸ επερωτησον γαρ γενεαν πρωτην εξιχνιασον δε κατα γενος πατερων

⁹ χθιζοι γαρ εσμεν και ουκ οιδαμεν σκια γαρ εστιν ημων επι της γης ο βιος

¹⁰ η ουχ ουτοι σε διδαξουσιν και αναγγελουσιν και εκ καρδιας εξαξουσιν ρηματα

¹¹ μη θαλλει παπυρος ανευ υδατος η υψωθησεται βουτομον ανευ ποτου

¹² ετι ον επι ριζης και ου μη θερισθη προ του πιειν πασα βοτανη ουχι ξηραινεται

¹³ ουτως τοινυν εσται τα εσχατα παντων των επιλανθανομενων του κυριου ελπις γαρ ασεβους απολειται

¹⁴ αοικητος γαρ αυτου εσται ο οικος αραχνη δε αυτου αποβησεται η σκηνη

¹⁵ εαν υπερειση την οικιαν αυτου ου μη στη επιλαβομενου δε αυτου ου μη υπομεινη

¹⁶ υγρος γαρ εστιν υπο ηλιου και εκ σαπριας αυτου ο ραδαμνος αυτου εξελευσεται

¹⁷ επι συναγωγην λιθων κοιμαται εν δε μεσω χαλικων ζησεται

¹⁸ εαν καταπιη ο τοπος ψευσεται αυτον ουχ εορακας τοιαυτα

¹⁹ οτι καταστροφη ασεβους τοιαυτη εκ δε γης αλλον αναβλαστησει

²⁰ ο γαρ κυριος ου μη αποποιησηται τον ακακον παν δε δωρον ασεβους ου δεξεται

²¹ αληθινων δε στομα εμπλησει γελωτος τα δε χειλη αυτων εξομολογησεως

²² οι δε εχθροι αυτων ενδυσονται αισχυνην διαιτα δε ασεβους ουκ εσται