ΣΟΦΙΑ ΣΕΙΡΑΧ - Siracide - Sirach 3

¹ εμου του πατρος ακουσατε τεκνα και ουτως ποιησατε ινα σωθητε

² ο γαρ κυριος εδοξασεν πατερα επι τεκνοις και κρισιν μητρος εστερεωσεν εφ' υιοις

³ ο τιμων πατερα εξιλασκεται αμαρτιας

⁴ και ως ο αποθησαυριζων ο δοξαζων μητερα αυτου

⁵ ο τιμων πατερα ευφρανθησεται υπο τεκνων και εν ημερα προσευχης αυτου εισακουσθησεται

⁶ ο δοξαζων πατερα μακροημερευσει και ο εισακουων κυριου αναπαυσει μητερα αυτου

⁷ και ως δεσποταις δουλευσει εν τοις γεννησασιν αυτον

⁸ εν εργω και λογω τιμα τον πατερα σου ινα επελθη σοι ευλογια παρ' αυτου

⁹ ευλογια γαρ πατρος στηριζει οικους τεκνων καταρα δε μητρος εκριζοι θεμελια

¹⁰ μη δοξαζου εν ατιμια πατρος σου ου γαρ εστιν σοι δοξα πατρος ατιμια

¹¹ η γαρ δοξα ανθρωπου εκ τιμης πατρος αυτου και ονειδος τεκνοις μητηρ εν αδοξια

¹² τεκνον αντιλαβου εν γηρα πατρος σου και μη λυπησης αυτον εν τη ζωη αυτου

¹³ καν απολειπη συνεσιν συγγνωμην εχε και μη ατιμασης αυτον εν παση ισχυι σου

¹⁴ ελεημοσυνη γαρ πατρος ουκ επιλησθησεται και αντι αμαρτιων προσανοικοδομηθησεται σοι

¹⁵ εν ημερα θλιψεως σου αναμνησθησεται σου ως ευδια επι παγετω ουτως αναλυθησονται σου αι αμαρτιαι

¹⁶ ως βλασφημος ο εγκαταλιπων πατερα και κεκατηραμενος υπο κυριου ο παροργιζων μητερα αυτου

¹⁷ τεκνον εν πραυτητι τα εργα σου διεξαγε και υπο ανθρωπου δεκτου αγαπηθηση

¹⁸ οσω μεγας ει τοσουτω ταπεινου σεαυτον και εναντι κυριου ευρησεις χαριν

¹⁹ -

²⁰ οτι μεγαλη η δυναστεια του κυριου και υπο των ταπεινων δοξαζεται

²¹ χαλεπωτερα σου μη ζητει και ισχυροτερα σου μη εξεταζε

²² α προσεταγη σοι ταυτα διανοου ου γαρ εστιν σοι χρεια των κρυπτων

²³ εν τοις περισσοις των εργων σου μη περιεργαζου πλειονα γαρ συνεσεως ανθρωπων υπεδειχθη σοι

²⁴ πολλους γαρ επλανησεν η υπολημψις αυτων και υπονοια πονηρα ωλισθησεν διανοιας αυτων

²⁵ -

²⁶ καρδια σκληρα κακωθησεται επ' εσχατων και ο αγαπων κινδυνον εν αυτω απολειται

²⁷ καρδια σκληρα βαρυνθησεται πονοις και ο αμαρτωλος προσθησει αμαρτιαν εφ' αμαρτιαις

²⁸ επαγωγη υπερηφανου ουκ εστιν ιασις φυτον γαρ πονηριας ερριζωκεν εν αυτω

²⁹ καρδια συνετου διανοηθησεται παραβολην και ους ακροατου επιθυμια σοφου

³⁰ πυρ φλογιζομενον αποσβεσει υδωρ και ελεημοσυνη εξιλασεται αμαρτιας

³¹ ο ανταποδιδους χαριτας μεμνηται εις τα μετα ταυτα και εν καιρω πτωσεως αυτου ευρησει στηριγμα