Psalmi 25

NOVA VULGATA	VULGATA
1 David. ALEPH. Ad te, Domine, levavi animam meam,	1 In finem. Psalmus David. Judica me, Domine, quoniam ego in innocentia mea ingressus sum, et in Domino sperans non infirmabor.
2 BETH. Deus meus, in te confido; non erubescam. Neque exsultent super me inimici mei,	2 Proba me, Domine, et tenta me ; ure renes meos et cor meum.
3 GHIMEL. etenim universi, qui sustinent te, non confundentur. Confundantur infideliter agentes propter vanitatem.	3 Quoniam misericordia tua ante oculos meos est, et complacui in veritate tua.
4 DALETH. Vias tuas, Domine, demonstra mihi et semitas tuas edoce me.	4 Non sedi cum concilio vanitatis, et cum iniqua gerentibus non introibo.
5 HE. Dirige me in veritate tua et doce me, quia tu es Deus salutis meae, VAU. et te sustinui tota die.	5 Odivi ecclesiam malignantium, et cum impiis non sedebo.
6 ZAIN. Reminiscere miserationum tuarum, Domine, et misericordiarum tuarum, quoniam a saeculo sunt.	6 Lavabo inter innocentes manus meas, et circumdabo altare tuum, Domine :
7 HETH. Peccata iuventutis meae et delicta mea ne memineris; secundum misericordiam tuam memento mei tu, propter bonitatem tuam, Domine.	7 ut audiam vocem laudis, et enarrem universa mirabilia tua.
8 TETH. Dulcis et rectus Dominus, propter hoc peccatores viam docebit;	8 Domine, dilexi decorem domus tuæ, et locum habitationis gloriæ tuæ.
9 IOD. diriget mansuetos in iudicio, docebit mites vias suas.	9 Ne perdas cum impiis, Deus, animam meam, et cum viris sanguinum vitam meam :
10 CAPH. Universae viae Domini misericordia et veritas custodientibus testamentum eius et testimonia eius.	10 in quorum manibus iniquitates sunt ; dextera eorum repleta est muneribus.
11 LAMED. Propter nomen tuum, Domine, propitiaberis peccato meo: multum est enim.	11 Ego autem in innocentia mea ingressus sum ; redime me, et miserere mei.
12 MEM. Quis est homo, qui timet Dominum? Docebit eum viam, quam eligat.	12 Pes meus stetit in directo ; in ecclesiis benedicam te, Domine.
13 NUN. Anima eius in bonis demorabitur, et semen eius hereditabit terram.
14 SAMECH. Familiariter aget Dominus cum timentibus eum, ut testamentum suum manifestet illis.
15 AIN. Oculi mei semper ad Dominum, quoniam ipse evellet de laqueo pedes meos.
16 PHE. Respice in me et miserere mei, quia unicus et pauper sum ego.
17 SADE. Dilata angustias cordis mei et de necessitatibus meis erue me.
18 Vide humilitatem meam et laborem meum et dimitte universa delicta mea.
19 RES. Respice inimicos meos, quoniam multiplicati sunt et odio crudeli oderunt me.
20 SIN. Custodi animam meam et erue me; non erubescam, quoniam speravi in te.
21 TAU. Innocentia et aequitas custodiant me, quia sustinui te.
22 PHE. Libera, Deus, Israel ex omnibus tribulationibus suis.