Psalmi - 59

¹ Magistro chori. Secundum " Ne destruxeris ".David. Miktam. Quando Saul viros misit,qui domum observarent et eum occiderent.
²Eripe me de inimicis meis, Deus meus,et ab insurgentibus in me protege me.
³Eripe me de operantibus iniquitatemet de viris sanguinum salva me.
⁴Quia ecce insidiati sunt animae meae,irruerunt in me fortes.
⁵Neque delictum neque peccatum in me est, Domine;sine iniquitate mea currunt et praeparantur.Exsurge in occursum meum et vide;
⁶et tu, Domine, Deus virtutum, Deus Israel,evigila ad visitandas omnes gentes; non miserearis omnibus, qui infideliteroperantur.
⁷Revertentur ad vesperam et latrabunt ut caneset circuibunt civitatem.
⁸Ecce eructabunt ore suo,et gladius in labiis eorum: “ Quis enim audit? ”.
⁹Et tu, Domine, deridebis eos,subsannabis omnes gentes.
¹⁰Fortitudo mea, tibi attendam,quia, Deus, praesidium meum es.
¹¹Deus meus, misericordia eius praeveniet me.Deus faciet, ut despiciam inimicos meos.
¹²Ne occidas eos, ne quando obliviscatur populus meus;disperge illos in virtute tuaet prosterne eos, protector meus, Domine.
¹³Peccatum oris eorum, sermo labiorum ipsorum,et comprehendantur in superbia sua.Propter exsecrationem et mendacium, quod loquuntur,
¹⁴consume eos in furore,consume, et non erunt;et scient quia Deus dominabitur Iacob et finium terrae.
¹⁵Revertentur ad vesperam et latrabunt ut caneset circuibunt civitatem.
¹⁶Ipsi errabunt ad manducandum;si vero non fuerint saturati, murmurabunt.
¹⁷Ego autem cantabo fortitudinem tuamet exsultabo mane misericordiam tuam,quia factus es praesidium meumet refugium meum in die tribulationis meae.
¹⁸Fortitudo mea, tibi psallam,quia, Deus, praesidium meum es:Deus meus misericordia mea.