Psalmi - 144

¹David.Benedictus Dominus, adiutor meus,qui docet manus meas ad proeliumet digitos meos ad bellum.
²Misericordia mea et fortitudo mea,refugium meum et liberator meus;scutum meum, et in ipso speravi,qui subdit populum meum sub me.
³Domine, quid est homo, quod agnoscis eum,aut filius hominis, quod reputas eum?
⁴Homo vanitati similis factus est,dies eius sicut umbra praeteriens.
⁵Domine, inclina caelos tuos et descende;tange montes, et fumigabunt.
⁶Fulgura coruscationem et dissipa eos;emitte sagittas tuas et conturba eos.
⁷Emitte manum tuam de alto;eripe me et libera me de aquis multis,de manu filiorum alienigenarum,
⁸quorum os locutum est vanitatem,et dextera eorum dextera mendacii.
⁹Deus, canticum novum cantabo tibi,in psalterio decachordo psallam tibi,
¹⁰qui das salutem regibus,qui redimis David servum tuum de gladio maligno.
¹¹Eripe me et libera mede manu filiorum alienigenarum,quorum os locutum est vanitatem,et dextera eorum dextera mendacii.
¹²Filii nostri sicut novellae crescentesin iuventute sua;filiae nostrae sicut columnae angulares,sculptae ut structura templi.
¹³Promptuaria nostra plena,redundantia omnibus bonis;oves nostrae in milibusinnumerabiles in campis nostris,
¹⁴boves nostrae crassae.Non est ruina maceriae neque egressusneque clamor in plateis nostris.
¹⁵Beatus populus, cui haec sunt;beatus populus, cui Dominus est Deus.