Psalmi - 132

¹ Canticum ascensionum.Memento, Domine, Davidet omnis mansuetudinis eius,
²quia iuravit Domino,votum vovit Potenti Iacob:
³“ Non introibo in tabernaculum domus meae,non ascendam in lectum strati mei,
⁴non dabo somnum oculis meiset palpebris meis dormitationem,
⁵donec inveniam locum Domino,tabernaculum Potenti Iacob ”.
⁶Ecce audivimus eam esse in Ephratha,invenimus eam in campis Iaar.
⁷Ingrediamur in tabernaculum eius,adoremus ad scabellum pedum eius. -
⁸Surge, Domine, in requiem tuam,tu et arca fortitudinis tuae.
⁹Sacerdotes tui induantur iustitiam,et sancti tui exsultent.
¹⁰Propter David servum tuumnon avertas faciem christi tui.
¹¹Iuravit Dominus David veritatemet non recedet ab ea:“ De fructu ventris tuiponam super sedem tuam.
¹²Si custodierint filii tui testamentum meumet testimonia mea, quae docebo eos,filii eorum usque in saeculumsedebunt super sedem tuam ”.
¹³Quoniam elegit Dominus Sion,desideravit eam in habitationem sibi:
¹⁴“ Haec requies mea in saeculum saeculi;hic habitabo, quoniam desideravi eam.
¹⁵Cibaria eius benedicens benedicam,pauperes eius saturabo panibus.
¹⁶Sacerdotes eius induam salutari,et sancti eius exsultatione exsultabunt.
¹⁷Illic germinare faciam cornu David,parabo lucernam christo meo.
¹⁸Inimicos eius induam confusione,super ipsum autem efflorebit diadema eius ”.