ΑΣΜΑ - Cantico - Canticle of Canticles 1

¹ ασμα ασματων ο εστιν τω σαλωμων

² φιλησατω με απο φιληματων στοματος αυτου οτι αγαθοι μαστοι σου υπερ οινον

³ και οσμη μυρων σου υπερ παντα τα αρωματα μυρον εκκενωθεν ονομα σου δια τουτο νεανιδες ηγαπησαν σε

⁴ ειλκυσαν σε οπισω σου εις οσμην μυρων σου δραμουμεν εισηνεγκεν με ο βασιλευς εις το ταμιειον αυτου αγαλλιασωμεθα και ευφρανθωμεν εν σοι αγαπησομεν μαστους σου υπερ οινον ευθυτης ηγαπησεν σε

⁵ μελαινα ειμι και καλη θυγατερες ιερουσαλημ ως σκηνωματα κηδαρ ως δερρεις σαλωμων

⁶ μη βλεψητε με οτι εγω ειμι μεμελανωμενη οτι παρεβλεψεν με ο ηλιος υιοι μητρος μου εμαχεσαντο εν εμοι εθεντο με φυλακισσαν εν αμπελωσιν αμπελωνα εμον ουκ εφυλαξα

⁷ απαγγειλον μοι ον ηγαπησεν η ψυχη μου που ποιμαινεις που κοιταζεις εν μεσημβρια μηποτε γενωμαι ως περιβαλλομενη επ' αγελαις εταιρων σου

⁸ εαν μη γνως σεαυτην η καλη εν γυναιξιν εξελθε συ εν πτερναις των ποιμνιων και ποιμαινε τας εριφους σου επι σκηνωμασιν των ποιμενων

⁹ τη ιππω μου εν αρμασιν φαραω ωμοιωσα σε η πλησιον μου

¹⁰ τι ωραιωθησαν σιαγονες σου ως τρυγονες τραχηλος σου ως ορμισκοι

¹¹ ομοιωματα χρυσιου ποιησομεν σοι μετα στιγματων του αργυριου

¹² εως ου ο βασιλευς εν ανακλισει αυτου ναρδος μου εδωκεν οσμην αυτου

¹³ αποδεσμος της στακτης αδελφιδος μου εμοι ανα μεσον των μαστων μου αυλισθησεται

¹⁴ βοτρυς της κυπρου αδελφιδος μου εμοι εν αμπελωσιν εγγαδδι

¹⁵ ιδου ει καλη η πλησιον μου ιδου ει καλη οφθαλμοι σου περιστεραι

¹⁶ ιδου ει καλος ο αδελφιδος μου και γε ωραιος προς κλινη ημων συσκιος

¹⁷ δοκοι οικων ημων κεδροι φατνωματα ημων κυπαρισσοι