1Alleluja. Cantate Domino canticum novum ;
laus ejus in ecclesia sanctorum.
2Lætetur Israël in eo qui fecit eum,
et filii Sion exsultent in rege suo.
3Laudent nomen ejus in choro ;
in tympano et psalterio psallant ei.
4Quia beneplacitum est Domino in populo suo,
et exaltabit mansuetos in salutem.
5Exsultabunt sancti in gloria ;
lætabuntur in cubilibus suis.
6Exaltationes Dei in gutture eorum,
et gladii ancipites in manibus eorum :
7ad faciendam vindictam in nationibus,
increpationes in populis ;
8ad alligandos reges eorum in compedibus,
et nobiles eorum in manicis ferreis ;
9ut faciant in eis judicium conscriptum :
gloria hæc est omnibus sanctis ejus.
Alleluja.

Gen Ex Lv Nm Deut Ios Iudc Ruth 1 Re 2 Re 3 Re 4 Re 1 Par 2 Par Esd Neh Tob Iudt Esth 1 Mach 2 Mach Iob Ps Prov Eccle Cant Sap Eccli Isa Ier Lam Bar Ez Dan Os Ioel Am Abd Ion Mi Nah Hab Soph Agg Zach Mal Mt Mc Lc Io Act Rom 1Cor 2Cor Gal Eph Phil Col 1 Thess 2 Thess 1 Tim 2 Tim Tit Philem Hebr Iac 1 Pt 2 Pt 1 Io 2 Io 3 Io Iud Apoc